بیرلشگن ملتلر تشکیلاتی: قورغاقچیلیک و یاردملر‌نینگ کمه‌ییشی افغانستاننی جدّی معمالرگه دچار قیلماقده
۸صبح، کابل: بیرلشگن ملتلر تشکیلاتی باش کاتبی‌نینگ افغانستان بۉییچه مخصوص وکیلی اۉرین‌باسری برونو لمارکی‌نینگ اَیتیشیچه، کوچلی قورغاقچیلیک، سوو منبعلرینی باشقریش، ایراندن و پاکستاندن مهاجرتلر‌نینگ کېنگ کۉلمده قَیتیشی همده پاکستان چېگره‌سی‌نینگ یاپیق بۉلیشی افغانستان جَنوبیده‌گی اساسی معمالردن حسابلنه‌دی.
لمارکی سه‌شنبه کونی، ۱۴ میزان، اوشبو معمالر سۉنگگی بیر-یریم ییل دوامیده خلق‌ارا یاردم‌نینگ سېزیلرلی درجه‌ده کمه‌ییشی بیلن بیرگه محلی جماعه‌لرگه ینه‌ده کتّه باسیم اۉتکزگنینی اَیتگن.
اونینگ قۉشیمچه قیلیشیچه، قندهار و هلمندده‌گی دهقانلر اوزوم، انار و بوغدای کبی مقابل اېکینلرنی یېتیشتیریشدن آلینه‌دیگن درآمد کۉکنار یېتیشتیریشدن آلینه‌دیگن درآمد بیلن تققاسلنمسلیگینی اَیتیشگن؛ اینیقسه، مقابل تیریکچیلیک دستورلریدن فایده‌لنمه‌گن دهقانلر اوچون بو حالت یقّال نمایان بۉلماقده.
لمارکی‌نینگ اَیتیشیچه، اَیریم دهقانلر چېکلاولر دوام اېتیشی و یېترلی یاردم بۉلمه‌سلیگی حالتیده ینه کۉکنار یېتیشتیریشگه قَیتیشلری ممکنلیگینی بیلدیرگن.
او خلق‌ارا هم‌جمعیتی افغانستان خلقینی یالغیز قالدیرمسلیگی کېره‌کلیگینی تأکیدله‌گن. چونکه خلق‌ارا یاردم اوچون اجره‌تیله‌دیگن مبلغلر‌نینگ کمه‌ییشی اوشبو مملکت، جمله‌دن قندهار و هلمند اهالیسی‌نینگ احوالیگه سېزیلرلی تأثیر کۉرسه‌تگن.
