بیرلشگن ملتلر تشکیلاتی افغانستان شرقیده زلزله‌دن ضرر کۉرگن عایله‌لر حیاتینی قَیته تیکلش ایشلری دوام اېته‌یاتگنینی معلوم قیلدی
۸صبح، کابل: خلق‌ارا مهاجرت تشکیلاتی (IOM) افغانستان شرقیده‌گی ویرانکار زلزله‌لردن ضرر کۉرگن عایله‌لر اوشبو تشکیلات یاردمینی آلیب، اۉز حیاتلرینی قَیته تیکله‌یاتگنینی معلوم قیلدی.
اوشبو تشکیلات سه‌شنبه کونی، ۱۶ سرطان، خبر بېریشیچه، هالندده تشقی ایشلر وزیرلیگی یاردمیده عملگه آشیریله‌یاتگن باش‌پناه قوریش اوچون نقد پول یاردمی دستوری ضرر کۉرگن عایله‌لرگه ینه‌ده مناسب و یخشی شرایطلرگه اېگه یشه‌ش جایلرینی برپا اېتیشگه یاردم بېرماقده.
خلق‌ارا مهاجرت تشکیلاتی معلوم قیلیشیچه، زلزله‌لر صادر بۉلگنیدن بیر نېچه آی اۉتگن بۉلسه-ده، ضرر کۉرگن کۉپلب عایله‌لر هنوز عادتی حیاتگه قَیتیش اوچون حرکت قیلماقده و انسانپرورلیک یاردمینی آلیشگه محتاج.
تشکیلات قۉشیمچه قیلیشیچه، باش‌پناه قوریش اوچون بېریله‌یاتگن نقد پول یاردمی عایله‌لر‌نینگ وقتینچه‌لیک چادرلردن خوفسیزراق و انسانی قدر-قیمتنی سقله‌گن حالده‌گی اوی-جایلرگه کۉچیب اۉتیشی اوچون شرایط یره‌تماقده.
بیرلشگن ملتلر تشکیلاتی بوندن آلدین هم ضرر کۉرگن عایله‌لرنی قۉللب-قوّتلش و مناسب باش‌پناه بیلن تأمینلش افغانستانده طبیعی آفتلردن کېینگی قَیته تیکلش جریانی‌نینگ مهم استوار یۉنه‌لیشلریدن بیری اېکنینی تأکیدله‌گن.
