بیرلشگن ملتلر تشکیلاتی: هر بیر عیال و قیز هر یېرده اۉزینی خوفسیز حس قیلیش حقوقیگه اېگه
۸صبح، کابل: بیرلشگن ملتلر تشکیلاتی هر بیر عیال و قیز هر یېرده اۉزینی خوفسیز حس قیلیش حقوقیگه اېگه اېکنینی معلوم قیلدی و حکومتلر جنسیتگه اساسلنگن زۉرآورلیکنینگ آلدینی آلیش اوچون جدّی چارهلر کۉریشی کېرهکلیگینی تأکیدلهدی.
اوشبو تشکیلات یکشنبه کونی، ۱۵-سنبله ایکس صحیفهسیده حکومتلر جنسیتگه اساسلنگن زۉرآورلیکنینگ آلدینی آلیش اوچون سرمایه کیریتیشی، قانونلرنی اجرا اېتیشی و جزاسیزلیککه برهم بېریشی کېرهکلیگینی یازگن.
بیرلشگن ملتلر تشکیلاتی عیاللر و قیزلرگه نسبتاً زۉرآورلیکنینگ آلدینی آلیش ممکنلیگینی و بونگه هېچ قندهی بهانه یۉقلیگینی تأکیدلهگن.
بو خواطرلر افغانستانده عیاللر و قیزلر کوندهلیک حیاتلریده کېنگ کۉلملی چېکلاولرگه دوچ کېلهیاتگن بیر پیتده بیلدیریلماقده.
طالبان تامانیدن سۉنگگی بېش ییل دوامیده جاری اېتیلگن چېکلاولر عیاللر و قیزلرنینگ تعلیم، ایش و جمعیتده اېرکین اشتراک اېتیش امکانیتلرینی چېکلب قۉیگن.
بیرلشگن ملتلر تشکیلاتی و انسان حقوقلری تشکیلاتلری افغانستان عیاللری و قیزلرینینگ احوالی یوزهسیدن بیر نېچه بار خواطر بیلدیرگن همده اولرنینگ اجتماعی، اقتصادی و تعلیم ساحهلریدهگی اشتراکینی چېکلهیاتگن چېکلاولرنی بېکار قیلیشگه چقیرگن.
