بیرلشگن ملتلر تشکیلاتی: خوست‌نینگ چېکّه حدودلریده تۉرت ته ساغلیقنی سقلش مرکزی قوریلدی
۸صبح، خوست: خلق‌ارا مهاجرت تشکیلاتی (IOM) افغانستان‌نینگ خوست ولایتی چېکّه حدودلریده یقینده تۉرت ته عایله‌وی ساغلیقنی سقلش مرکزی قوریلگنینی معلوم قیلدی.
مذکور تشکیلات چهارشنبه کونی، ۱۵ میزان، اعلان قیلگن حساباتیده ۲۰۲۳-ییلدن بویان افغانستان‌نینگ یېتّی ولایتیده ۵۷ ته عایله‌وی ساغلیقنی سقلش مرکزی قورگنینی بیلدیرگن.
اوشبو تشکیلاتگه کۉره، مذکور مرکزلر افغانستان‌نینگ تورلی حدودلریده افغانستان اوچون مخصوص ایشانچ جمغرمه‌سی (STFA) مبلغلری همده اسلام ترقیات بانکی (IsDB) و بیرلشگن ملتلر تشکیلاتی اهالی جمغرمه‌سی (UNFPA)نینگ قۉشمه مالیه‌لشتیریشی حسابیدن قوریلگن.
خلق‌ارا مهاجرت تشکیلاتی قۉشیمچه قیلیشیچه، مذکور مرکزلر اوّل ساغلیقنی سقلش خدمتلریدن فایده‌لنیش اوچون اوزاق مصافه‌لرنی باسیب اۉتیشگه مجبور بۉلگن اهالیگه اساسی طبی خدمتلرنی تقدیم اېتماقده.
اوشبو مرکزلر بیرلشگن ملتلر تشکیلاتی تشکیلاتلری بیلن همکارلیکده آنه‌لر و چقه‌لاقلرگه طبی خدمت کۉرسه‌تیش همده بیرینچی طبی یاردم خدمتلرینی تقدیم اېتیشگه کۉمکلشماقده.
