قیزیل خاچ: زابلده تۉقنه‌شوولردن ضرر کۉرگن ۷۰۰ ته عایله نقد پول یاردمینی آلدی
۸صبح، زابل: خلق‌ارا قیزیل خاچ کمیته‌سی و افغانستان قیزیل یریم آی جمعیتی زابل ولایتیده تۉقنه‌شوولردن ضرر کۉرگن ۷۰۰ ته عایله‌گه نقد پول یاردمی ترقه‌تدی.
خلق‌ارا قیزیل خاچ کمیته‌سی یک‌شنبه کونی، ۱۹-میزانده، اوشبو عایله‌لر‌نینگ اویلری تۉقنه‌شوولر عاقبتیده ضرر کۉرگنی یاکه بوتونله‌ی ویران بۉلگنی، شونینگدېک، اولر‌نینگ تیریکچیلیک منبعلری ایزدن چیققنینی معلوم قیلدی.
اوشبو تشکیلات‌نینگ اَیتیشیچه، نقد پول یاردمی ضرر کۉرگن عایله‌لرگه اۉزلری‌نینگ شاشیلینچ احتیاجلرینی قاندیریش و حیاتلرینی قیته‌دن باشلشگه یاردم بېره‌دی.
بو یاردملر افغانستانده سۉنگگی ییللرده قوراللی تۉقنه‌شوولر اَیریم عایله‌لر‌نینگ اویلری و تیریکچیلیک منبعلریگه ضرر یېتکزیب، اولرنی اقتصادی قیینچیلیکلر و اساسی احتیاجلر بیلن باغلیق معمالرگه دچار اېتگن بیر پیتده ترقه‌تیلماقده.
