بیرلشگن ملتلر تشکیلاتی افغانستان کېله‌جگیده قیزلر‌نینگ رۉلیگه اورغو بېردی
۸صبح، کابل: بیرلشگن ملتلر تشکیلاتی‌نینگ افغانستاندهگی ترقیات دستوری خلق‌ارا قیزلر کونی مناسبتی بیلن افغانستان‌نینگ کېله‌جگی بوگون قیزلرگه بېریله‌دیگن امکانیتلرگه باغلیقلیگینی معلوم قیلدی.
اوشبو تشکیلات یک‌شنبه کونی، ۱۹-میزان، اعلان قیلگن خبریده قیزلر‌نینگ تعلیم آلیشی، کسب-هنر اۉرگنیشی و سلامتلیگیگه سرمایه کیریتیش جمعیتلرنی مستحکملش همده ینه‌ده برداشلی مملکت برپا اېتیشگه یاردم بېریشینی تأکیدله‌دی.
بمت ترقیات دستوری هر بیر قیز اۉز صلاحیتینی رۉیابگه چیقریش امکانیتیگه لایق اېکنینی قۉشیمچه قیلدی.
۱۱-اکتوبر خلق‌ارا قیزلر کونی هر ییلی قیزلر‌نینگ حقوقلری حقیده خبردارلیکنی آشیریش همده اولر‌نینگ بوتون دنیا بۉیلب دوچ کېله‌یاتگن معمالری و کمسیتیش حالتلرینی یاریتیش مقصدیده نشانلنه‌دی.
