بیرلشگن ملتلر تشکیلاتی: افغانستان‌نینگ شِمالی-شرقیده ۴۰۰ دن آرتیق عایله اوی-جای آلیش اوچون انیقلب آلیندی
۸صبح، کابل: بیرلشگن ملتلر تشکیلاتی معلوم قیلیشیچه، اۉتگن ییلی اوشبو تشکیلات‌نینگ افغانستان اوچون ایشانچ جمغرمه‌سی یاردمیده باشلنگن رواجلنیش لایحه‌سی دایره‌سیده حاضرگچه ۴۲۵ ته عایله دایمی اوی-جای آلیش اوچون انیقلب آلینگن.
تشکیلات سه‌شنبه کونی، ۱۶ سرطان، معلوم قیلیشیچه، افغانستان اوچون مخصوص امانی جمغرمه‌سی (STFA) اوشبو رواجلنیش لایحه‌سینی قۉللب-قوّتلش آرقه‌لی افغانستان‌نینگ شِمالی-شرقیده کۉچیشگه مجبور بۉلگن جماعه‌لر اوچون برقرار یېچیملر یره‌تیشگه حرکت قیلماقده.
حساباتگه کۉره، بیرلشگن ملتلر تشکیلاتی قۉشیمچه قیلیشیچه، لایحه شونینگدېک ۶ مینگ ۴۷۸ متر مربع ماین بیلن افلاسلنگن حدودنی تازه‌له‌گن و ۲۸ ته انشااتلر لایحه‌سینی هم استوار یۉنه‌لیش صفتیده بېلگیله‌گن.
حسابات‌نینگ بیر قِسمیده قید اېتیلیشیچه، اوشبو لایحه قندوز و بغلان ولایتلریده‌گی ۶۹ ته مجموعه‌ده عملگه آشیریلماقده و اونینگ مقصدی قَیتیب کېلووچیلر، ایچکی کۉچیریلگن شخصلر همده مېزبان جماعه‌لر اوچون اوی-جای، اساسی خدمتلر و اقتصادی امکانیتلردن فایده‌لنیش امکانیتینی یخشیلشدن عبارت.
