بیرلشگن ملتلر تشکیلاتی اۉقیتووچیلر‌نینگ کېله‌جک اولادلرگه بۉلگن صداقتینی قدرله‌دی
۸صبح، کابل: بیرلشگن ملتلر تشکیلاتی خلق‌ارا اۉقیتووچیلر کونی مناسبتی بیلن بوتون دنیا بۉیلب اۉقیتووچیلر‌نینگ کېله‌جک اولادلرنی تعلیم بیلن تأمینلش یۉلیده‌گی سعی-حرکتلری و صداقتینی قدرله‌دی.
اوشبو تشکیلات دوشنبه کونی، ۱۳ میزان، یۉلله‌گن خبریده اۉقیتووچیلر ینگی اولادلر کېله‌جگینی شکللنتیریشده مهم رۉل اۉینه‌شینی و اولر‌نینگ سعی-حرکتلری قۉللب-قوّتلنیشی همده قدرلنیشی کېره‌کلیگینی اَیتدی.
افغانستانده خلق‌ارا اۉقیتووچیلر کونی‌نینگ نشانلنیشی اۉقیتووچیلر تورلی معمالرگه، جمله‌دن، عیال اۉقیتووچیلر سانی‌نینگ کمه‌ییشی همده کسبی تعلیم و قۉللب-قوّتلشگه احتیاج کبی معمالرگه دوچ کېله‌یاتگن بیر شرایطگه تۉغری کېلماقده.
بوندن آلدین، بیرلشگن ملتلر تشکیلاتی‌نینگ تعلیم، فن و مدنیت مسأله‌لری بۉییچه تشکیلاتی (یونسکو) هم بیر حساباتیده افغانستاندهگی اۉغیل باله‌لر مکتبلریده عیال اۉقیتووچیلر‌نینگ درس بېریشیگه قۉییلگن تقیق اۉقیتووچیلر تنقیصلیگینی ینه‌ده کوچه‌یتیرگنیدن آگاهلنتیرگن اېدی.
یونسکوگه کۉره، افغانستان مکتبلریده عیال اۉقیتووچیلر سانی‌نینگ کمه‌ییشی برچه اۉقووچیلر اوچون تعلیم صفتینی ضعیفلشتیره‌دی.
