بیرلشگن ملتلر تشکیلاتی: ۷۰۰ مینگ‌دن آرتیق افغان عیال و قیزلر‌نینگ ساغلیقنی سقلش و تعلیم خدمتلریدن فایده‌لنیش امکانیتی یخشیلندی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP) مکتبلر و ساغلیقنی سقلش مرکزلریده قویاش انرژیسیدن فایده‌لنیش افغانستانده یوز مینگلب عیال و قیزلر‌نینگ تعلیم همده ساغلیقنی سقلش خدمتلریدن فایده‌لنیش امکانیتینی یخشیله‌گنینی معلوم قیلدی.
اوشبو دستور دوشنبه کونی، ۱۳ میزان، اعلان قیلگن معلوماتگه کۉره، بو یاردملر ۲۰۲۳-ییل جنورییدن ۲۰۲۶-ییل سپتمبریگچه دوام اېتگن و جمعی افغانستان بۉیلب ۷۴۳ مینگ ۴۷۰ نفر عیال و قیزنی قمره‌ب آلگن.
اوشبو تشکیلات‌نینگ اَیتیشیچه، مذکور مرکزلرنی قویاش انرژیسی بیلن تأمینلش افغانستانده اساسی خدمتلردن فایده‌لنیش امکانیتینی یخشیلشگه قره‌تیلگن سعی-حرکتلر‌نینگ بیر قِسمی بۉلگن.
افغانستانده انرژی یېتیشماوچیلیگی و اوندن فایده‌لنیش امکانیتی‌نینگ تېنگ اېمسلیگی، اینیقسه، چېکّه و قیشلاق حدودلرده کوزه‌تیلماقده.
اَیریم حدودلرده ساغلیقنی سقلش مرکزلری و مکتبلر اۉزلریگه ضرور برق انرژیسینی تأمینلشده معمالرگه دوچ کېلماقده. قویاش انرژیسیدن فایده‌لنیش اېسه اوشبو مرکزلرنی الکتر انرژیسی بیلن تأمینلش و اساسی خدمتلر کۉرسه‌تیشنی یخشیلش اوچون قۉللنیله‌یاتگن یېچیملردن بیریدیر.
