جهان آزیق-آوقت دستوری: آچلیک آدملر‌نینگ سلامتلیگی و تیریکچیلیگیگه تهدید سالماقده
۸صبح، کابل: جهان آزیق-آوقت دستوری (WFP) افغانستانده، اگر اهالیسی آچ بۉلسه، هېچ بیر مملکت ترقی اېته آلمسلیگینی اَیتماقده.
اوشبو دستور سه‌شنبه کونی، ۲۲ سنبله، ایکس صحیفه‌سیده آچلیک سلامتلیک، تعلیم، تیریکچیلیک و اقتصادی اۉسیشنی ضعیفلشتیریشینی معلوم قیلگن.
جهان آزیق-آوقت دستوری آدملر‌نینگ یېترلی آزیق-آوقت‌گه اېگه بۉلیشی برقرار و فراوان جمعیت یره‌تیش اوچون ضرورلیگینی قۉشیمچه قیلگن.
اوشبو تشکیلات آزیق-آوقت و انسانپرورلیک یاردم‌نینگ اهمیتیگه اشاره قیلیب، برچه انسانلر، اینیقسه احتیاجمند عایله‌لر اۉزلری اوچون ضرور بۉلگن آزیق-آوقت محصولاتلریدن فایده‌لنیش امکانیگه اېگه بۉلیشینی تامینلش کېره‌کلیگینی بیلدیرگن.
جهان آزیق-آوقت دستوری آزیق-آوقت یاردمینی دوام اېتتیریش ضرورلیگیگه اورغو بېره‌یاتگن بیر پیتده، افغانستاندهگی اَیریم عایله‌لر اساسی آزیق-آوقت احتیاجلرینی تامینلش اوچون انسانپرورلیک یاردمگه تیه‌نماقده.
