جهان ساغلیقنی سقلش تشکیلاتی: افغانستانده نفس یۉللری کسللیکلری عاقبتیده ۱۷۰ کیشی جان بېردی
۸صبح، کابل: جهان ساغلیقنی سقلش تشکیلاتی (WHO) افغانستانده اۉتکیر نفس یۉللری کسللیکلری بیلن باغلیق جمعی ۱۷۰ ته اۉلیم حالتی قید اېتیلگنینی معلوم قیلدی.
اوشبو تشکیلات یکشنبه، ۵ مېزان، اعلان قیلگن حساباتیده افغانستانده جمعی ۶۴ مینگ ۵۰۶ ته اۉتکیر نفس یۉللری کسللیگی حالتی قید اېتیلگنینی بیلدیرگن.
حساباتگه کۉره، قید اېتیلگن نفس یۉللری کسللیکلری حالتلری جولای آییگه نسبتاً ۱۷،۴ فایزگه کمهیگن.
جهان ساغلیقنی سقلش تشکیلاتی، شونینگدېک، قیزهمیققه گمان قیلینگن ۱ مینگ ۴۲۳ ته حالت و او بیلن باغلیق یېتّی اۉلیم حالتی قید اېتیلگنینی معلوم قیلگن.
بو کۉرسهتکیچ هم جولای آییگه نسبتاً ۴۴،۵ فایزگه کمهیگن. چونکه اۉشه آیده قیزهمیققه گمان قیلینگن ۲ مینگ ۵۶۲ ته حالت و تۉقّیزته اۉلیم قید اېتیلگن اېدی.
بو حالتده افغانستان ساغلیقنی سقلش ساحهسیدهگی کېنگ کۉلملی معمالر و اهالینینگ کتّه قِسمی اوچون ساغلیق خدمتلردن فایدهلنیش امکانیتینینگ چېکلنگنلیگی بیلن یوزلشماقده. نفس یۉللری کسللیکلری اېسه مملکتدهگی مهم ساغلیق معمالریدن بیری بۉلیب قالماقده.
