جهان ساغلیقنی سقلش تشکیلاتی آنه‌لر و چقه‌لاقلر اۉلیمی‌نینگ آلدینی آلیش بۉییچه سعی-حرکتلر حقیده معلومات بېردی
۸صبح، کابل: جهان ساغلیقنی سقلش تشکیلاتی (WHO) ساغلیقنی سقلش گروهلری آنه‌لر و چقه‌لاقلر اۉلیمی سببلرینی اۉرگنیش آرقه‌لی آلدینی آلیش ممکن بۉلگن اۉلیم حالتلری‌نینگ آلدینی آلیشگه حرکت قیله‌یاتگنینی معلوم قیلدی.
اوشبو تشکیلات سه‌شنبه کونی، ۲۱-میزان، بو تېکشیروولر آنه‌لر و چقه‌لاقلر اۉلیمینی نظارت قیلیش و اولرگه جواب قَیتریش (MNDSR) دستوری دایره‌سیده عملگه آشیریله‌یاتگنینی بیلدیردی.
تشکیلات معلوماتیگه کۉره، آسیا ترقیات بانکی (ADB) تامانیدن مالیه‌لشتیریله‌یاتگن اوشبو دستور ۲۰۲۵-ییلدن بویان ۱۰ ته ولایتده‌گی ۲۲ ته شفاخانه‌ده عملگه آشیریلماقده همده ینه یېتّی ولایتده‌گی ۲۸ ته ساغلیقنی سقلش مرکزیگه کېنگه‌یتیریلگن.
جهان ساغلیقنی سقلش تشکیلاتی ۲۰۰۳-ییلدن بویان افغانستانده ۹۰۰ نفردن آرتیق طبیات خادیمی و ساغلیقنی سقلش ساحه‌سی باشقیرووچیسی اوشبو دستور بۉییچه تعلیم آلگنینی قۉشیمچه قیلدی.
جهان ساغلیقنی سقلش تشکیلاتی معلوماتیگه کۉره، کوچلی قان کېتیشی، اکلامپسیا (حامله‌دارلیک اسارتلری طفیلی یوزه‌گه کېله‌دیگن تیریشیش) و عفونت آنه‌لر اۉلیمی‌نینگ اساسی سببلریدن دیر.
مدتیدن آلدین توغیلیش، توغروق وقتیده بۉغیلیش و عفونت هم چقه‌لاقلر اۉلیمیگه سبب بۉله‌دیگن عامللر حسابلنه‌دی.
اوشبو دستور آنه و چقه‌لاقلرگه کۉرسه‌تیله‌دیگن طبی یاردم صفتینی یخشیلش همده آلدینی آلیش ممکن بۉلگن اۉلیم حالتلرینی کمه‌یتیریش مقصدیده عملگه آشیریلماقده.
