قمی امریکانی «افغانستانده انسان حقوقلرینی آیاغ آستی اېتگنلیکده» عیبله‌دی
۸صبح، کابل: مملکت اوچون ایران نینگ اېلچیسی همده مخصوص نماینده‌سی حسن کاظمی قمی انسان حقوقلری خلق ارا کونی مناسبتی بیلن امریکانی «افغانستان و دنیان انسان حقوقلری»نی آیاغ آستی قیلگنلیکده عیبله‌دی.
قمی ۱۹- قوس دوشبنه کونی ایکس ترماغیده بیر پیام نشر قیلیب یازیشیچه: تینچ اهالی تۉغریسیده «امریکا و اونینگ اتفاقداشلری جنایتی» هنوزگچه تیرگاو قیلینمه‌گن دیر و شونینگدېک بو اعلامیه «سیاسی بیر حجت اوله‌راق سلطه نظام خدمتیده» قالیشی ممکن دیر.
اونینگ کۉپه‌یتیریشیچه: انسان حقوقلری خلق ارا اعلامیه‌سی امریکا و اسراییل نینگ افغانستان و غزه‌ده‌گی اشغالگرلیگی مینگلب باله‌لر قربانلیگی جنایتی اوچون داخواهلیک آوازی و عدالتنی ضمانت قیله آلمه‌سه، سلطه نظام تحمیل و مستحکمله‌نیشی اوچون فقط گینه سیاسی بیر مانیفست دیر.»
اونینگ تاکیدله‌شیچه: «شونینگدېک دنیا غربی مدعیلر آرقلی افغانستان، غزه ویمن‌ده انسان حقوقلری معمالری بیلن رۉپه ره دیر. دنیا انسان حقوقلری برقرارلیگی، عدالت تامینله‌نیشی و انسان حقوقلرینی آیاغ آستی اېتگنلرنی جزاله‌شنی کوته‌دی.»
عین حالده، انسان حقوقلر تشکیلاتلری هر دایم ایران اسلام جمهوریتینی بو مملکت‌ده اسنان حقوقلرینی کېنگ آیاغ آستی اېتیب کېلگن‌لیکلده عیبله‌یدیلر.
آدملر دنیا بۉیلب انسان حقوقلری خلق ارا اعلامیه‌سی تصویب بۉلگن کونی نینگ یېتمیش بېشینچی ییللگینی نشانله‌دیلر.
عفو خلق ارا تشکیلاتی انسان حقولری خلق ارا کونی مناسبتی بیلن بیر فراخونده ایتیشیچه، طالبلر افغانستانده قیته‌دن حاکمیت تېپه‌سیگه کېلگنیدن بویان، سوء استفاده و انسان حقوقلرینی آیاغ آستی قیلیش نینگ ینگی باسقیچینی باشله‌گنلر دېگن.
