۸صبح، کابل: تصاویر جسد سه تن از مهاجمانی که بالای مرزبانان تاجیکستانی تیراندازی کرده و کشته شدند، در اختیار روزنامه ۸صبح قرار گرفته است.
منابع روز پنجشنبه، ۴ جدی، به روزنامه ۸صبح میگویند که این اجساد متعلق به جنگجویان گروه «انصارالله» تاجیکستان تحت حمایت طالبان است.
به گفته منابع، این جنگجویان در مناطق مرزی توسط «حاجی بشرنورزی»، معروف به «پدرخوانده مواد مخدر افغانستان» و یکی از چهرههای وابسته به رهبر طالبان، رهبری میشوند.
مقامهای امنیتی تاجیکستان تا کنون درباره هویت مهاجمان چیزی نگفتهاند.
این در حالی است که روز گذشته در نتیجه درگیری همین جنگجویان، دو تن از مرزبانان تاجیکستانی نیز کشته شدند.
در تازهترین گزارش، کمیته امنیت ملی تاجیکستان کشته شدن دو مرزبان خود و حمله از خاک افغانستان را تأیید کرده است.
این کمیته تأکید کرده که رهبری طالبان باید از مردم تاجیکستان عذرخواهی کند و اقدامات موثر برای جلوگیری از حملات تروریستی انجام دهد.
پیش از این، پنج شهروند چین نیز در پی حملاتی از خاک افغانستان در مرز تاجیکستان کشته شده بودند.
