۸صبح، کابل: منابع محلی در شمالشرق کشور میگویند که دو مرزبان تاجیکستانی در نتیجه تیراندازی از خاک افغانستان کشته شدهاند.
منابع، روز چهارشنبه، ۳ جدی، به روزنامه ۸صبح تأیید کردند که در نتیجه تیراندازی مرزبانان تاجیکستانی، دو تن از جنگجویان مسلح که بهسمت خاک تاجیکستان شلیک کرده بودند نیز کشته شدهاند.
به گفته منابع، این تیراندازی از ساحه مرزی بین ولسوالی شهر بزرگ ولایت بدخشان و سمتی ولسوالی چاهآب ولایت تخار صورت گرفته است.
یک منبع دیگر میگوید که این مرزبانان تاجیکستانی در درگیری با قاچاقبران مسلح از خاک افغانستان کشته شدهاند.
تا کنون هویت دقیق مهاجمان مشخص نشده است.
این در حالی است که پیش از این، در نتیجه یک حمله پهپادی مجهز با نارنجک طالبان از شهر بزرگ، سه شهروند چین در خاک تاجیکستان کشته شدند.
همچنین دو تن دیگر از شهروندان چین در منطقه درواز در نتیجه تیراندازی جنگجویان اویغوری وابسته به طالبان در خاک تاجیکستان کشته شدهاند.
