آلمانده افغانستان اۉزبېکلرینینگ مدنیت کېچهسی اۉتکزیلدی
۸صبح، کابل: آلمانده افغانستان اۉزبېکلرینینگ مدنیت کېچهسی بیر قطار صنعتکارلر و افغانستان وطنداشلری اشتراکیده اۉتکزیلدی.
اوشبو تدبیر شنبه کونی، ۳۱-اسد، فرانکفورت شهریده افغانستانلیک اۉزبېک صنعتکارلرینینگ موسیقه اجراسی و صنعت دستورلری بیلن اۉتکزیلدی.
تشکیلاتچیلرنینگ اَیتیشیچه، اوشبو دستوردن کۉزلنگن مقصد اروپادهگی مهاجرلر آرهسیده افغانستان اۉزبېکلرینینگ مدنیتی، صنعتی و موسیقهسینی سقلش همده رواجلنتیریشدن عبارت بۉلگن.
اروپا مملکتلریده استقامت قیلووچی افغانستان وطنداشلرینینگ بیر قِسمی هم اوشبو مراسمده اشتراک اېتدی.
اوشبو دستورده افغانستاننینگ اَیریم صنعتکارلری قۉشیق اجرا اېتیب، اۉزبېک مدنیتی و صنعتینینگ اَیریم قسملرینی نمایش اېتدیلر.
اوشبو دستور طالبان حکمرانلیگی آستیده افغانستانده موسیقه و صنعت فعالیتلری کېنگ کۉلملی چېکلاولرگه دوچ کېلهیاتگن بیر پیتده اۉتکزیلماقده.
