قاچقین افغان عیاللر فوتبال جماعه‌سی مراکش‌ده خلق‌ارا تورنمنت‌ده اشتراک اېته‌دی
۸صبح، کابل: فیفا، قاچقین افغان عیاللر فوتبال جماعه‌سی خلق‌ارا «FIFA Unites: Women’s Series ۲۰۲۵» تورنمنت‌ده قتنه‌شیش اوچون مراکش‌گه کۉچیریلگن دېب، اعلان قیلدی.
نیوعرب نشری نینگ پنجشنبه کونی، ۱- عقرب، خبر بېریشیچه، اوشبو مسابقه دستلب دوبی‌ده پنجشنبه کونی باشلنیشی رېجه‌لشتیریلگن اېدی. بیراق، قاچقین اۉیینچیلر اوچون ویزه آلیشده‌گی معمالر طفیلی جای و وقت اۉزگرتیریلیب، تورنمنت اېندی یکشنبه کونی باشلنه‌دی.
قاچقین افغان عیاللر جماعه‌سی اوشبو تورنمنت‌ده چاد، تونس و لیبیا جماعه‌لری بیلن بېللشه‌دی.
افغانستاندن کېتیب، باشقه مملکت‌لرده یشه‌یاتگن اۉیینچیلر جماعه‌لرینی «Afghan Women United» دېب ناملگنلر.
فیفا بیاناتیده ایتگنیدېک، اوشبو تورنمنت «افغان عیاللر فوتبالی اوچون کېنگ قمراولی حرکت استراتیژیسی» نینگ بیر قسمی بۉلیب، مسابقه آلدیدن افغان اۉیینچیلرینی قۉللب-قوتلش و تیارلشنی مقصد قیلگن.
حاضرده تونس جهان سطحی‌ده، ۹۶-ا‌ۉرینده، چاد و لیبیا اېسه فیفا سطحی‌ده حاضرچه کیریتیلمه‌گن.
