طالبان صناعت و تجارت وزیری خلق‌ارا ییغیلیش‌گه اشتراک اېتیش اوچون چین‌گه باردی
۸صبح، کابل: طالبان صناعت و تجارت وزیری، نورالدین عزیزی، ۱۱-ییللیک «خلق‌ارا اېرکین زون‌لر تشکیلاتی کانگرسی»ده اشتراک اېتیش مقصدیده چین‌گه باردی.
طالبان صناعت و تجارت وزیرلیگی، ۱۶- میزان، چهارشنبه کونی اعلان قیلگن خبرگه کۉره، اوشبو ییغیلیش ۱۰ دن ۱۲- اکتوبرگه قدر چین نینگ «هاینان» ولایتیده اۉتکزیلیشی رېجه‌لشتیریلگن.
خبرگه کۉره، ییغیلیش نینگ موضوعسی «دنیا بۉییچه رواجلنیش‌گه، تجارت و برقرار ینگی‌لیکلرگه آچیلگن اېشیکلر»دېب بېلگیلنگن.
اوشبو ییغیلیشده تورلی مملکتلر نینگ اقتصادی و تجارت وکیللری اېرکین زون‌لر نینگ رۉلی، همکارلیکلرنی کېنگه‌یتیریش، تجربه‌لر المشینووی و اقتصادی علاقه‌لرنی مستحکملش حقیده مذاکره قیله‌دیلر.
خبرده شونینگدېک ایتیلیشیچه، طالبان صناعت و تجارت وزیری ییغیلیش دایره‌سیده بیر قطار قتنشچیلر بیلن ایکی تامانلمه اوچره‌شوولر اۉتکزیشی رېجه‌لشتیریلگن.
معلوم قیلینیشیچه، اوشبو کانگرس نینگ اۉنچی دوری اۉتگن ییلی دبی شهریده بۉلیب اۉتگن اېدی.
