یونسکو: بوتون دنیا بۉیلب ۲۷۳ میلیون باله و اۉسمیر تعلیمدن چېتده قالگن
بیرلشگن ملتلر تشکیلاتی‌نینگ تعلیم، فن و مدنیت اداره‌سی (یونسکو) مکتبدن چېتده قالگن باله‌لر و اۉسمیرلر سانی کېتمه-کېت یېتّینچی ییل آشیب، ۲۷۳ میلیون نفرگه یېتگنینی اعلان قیلدی.
اوشبو تشکیلات پنج‌شنبه کونی، ۲۶-مارچ، خبر بېریشیچه بو حالت اساسا اهالی سانی‌نینگ اۉسیشی، انقراضلر و بودجه‌لرنینگ کمه‌ییشی بیلن باغلیق بۉلیب، دنیا بۉیلب مکتب یاشیده‌گی هر آلتی باله‌دن بیری تعلیم آلیش امکانیدن محروم.
یونسکو تأکیدلشیچه، اۉرته تعلیمده‌گی هر اوچ اۉقووچیدن فقط ایکّیته‌سی اۉقیشنی یکونله‌یدی، اما شو بیلن بیرگه کۉپلب مملکتلر تعلیم امکانیتلرینی یره‌تیش باره‌سیده سېزیلرلی یوتوقلرگه اېریشگن.
یونسکو آگاهلنتیریشیچه، منطقوی انقراضلر، اینیقسه یقین شرقده، مکتبلرنینگ یاپیلیشیگه و میلیونلب باله‌لرنینگ درسلردن چېتده قالیشیگه سبب بۉلگن همده بو جریان یاشلرنینگ تعلیمدن آرتده قالیش خوفینی آشیرماقده.
شو قیینچیلیکلرگه قره‌مه‌ی، یونسکو معلوم قیلیشیچه، ۲۰۰۰-ییلدن بویان باشلنغیچ و اۉرته تعلیمگه قبول قیلیش عمومی حسابده ۳۰ فایزگه آشگن و اَیریم مملکتلر، جمله‌دن ماداگاسکار، تاگو، مراکش، ویتنام، گرجستان و تورکیه مکتبدن چېتده قالیش درجه‌سینی سېزیلرلی درجه‌ده کمه‌یتیریشگه موفق بۉلگن.
