هوا افلاسلنیشی و ناتوغری فایده‌لنیش؛ ایکّی هفته ده ۳۸۳ باله و عیال جان بیرگن
افغانستان طالبان حاکمیتیده برچه ساحه‌لر اېنیقسه ساغلیق بولیمیده چقور انقراض گه باتگن. خلق‌ارا ساغلیق‌نی سقلش تشکیلاتی سۉنگی ایکّی ییل ده تورلی گزارش‌لرنی ترقه‌تیش بیلن مملکت یشاوچیلری ساغلیق خذمت‌لر دن فایده‌لنه آلمسلیگیدن خواطر بیلدیرگن. اوشبو تشکیلات نینگ ینگی گزارشی ده کیلیشیچه، میلادی اوشبو ییل نینگ جنوری آیی سۉنگی ایکّی هفته‌سیده ۳۸۳ کیشی جان بیرگنلر. شو بیلن بیرگه، هوا افلاسلنیشی و هوا صفتی شاخصی ده کیلیشیچه، افغانستان چین و هند کبی اقتصادی غوللر قطاری گه کیریب و بو مملکت‌لر هواسی نینگ افلاس‌لنیشیدن کتّه ضرر کورماقده، بوتوغریده هیچ رولی بولمسدن. بوندن آلدین خلق‌ارا ساغلیق‌نی سقلش تشکیلاتی افغانستان دایمی انسانی انقراض و ثبات‌سیز ساغلیق تیزیمی بیلن دوچ بۉلیب و طالبان نینگ عیاللر گه یره‌تگن چیکلاولری، اولر نینگ ساغلیق مراقبت‌لر دن فایده‌لنیشی کمه‌یشی گه سبب بولگنینی ایتگندی.
خلق‌ارا ساغلیق‌نی سقلش تشکیلاتی (WHO) ترقه‌تگن گزارشی ده افغانستانده جنوری نینگ سۉنگی ایکّی هفته‌سیده حاد تنفسی کسللر سانی آشگنیدن خبر بیرگن. مذکور تشکیلات نینگ گزارشی ده کیلیشیچه، اوشبو مدت اېچیده افغانستانده حاد تنفسی کسلی ۸۴ مینگ واقعه‌سی ثبت بولگن و اولر ارا ۳۸۳ نفری جان بیرگنلر.
بو تشکیلات ۱۱صحیفه‌لیک گزارشی ده ایتیشیچه، افغانستان نینگ ۳۴ ولایتیده ۱ جنوری دن ۲۷ جنوری گه قدر حاد تنفسی کسللیگی ۱۶۰ مینگ ۷۵۷ واقعه‌سی ثبت بولگن. اوشبو تشکیلات گه کوره، بیش یاشنی تولدیرمه‌گن باله‌لر و عیاللر بو کسللیک طفیلی جان بیرگنلر نینگ کوپینی تشکیل بیره‌دی.
خلق‌ارا ساغلیق‌نی سقلش تشکیلاتی گه کوره، ۲۰۲۳ییل ده افغانستان بویلب حاد تنفسی کسلی گه چلینگن ایکّی مینگ ۷۹۸۷ کیشی جان بیرگن و حاضرگی کونده ۹.۵ میلیون کیشی طبی امکانیت‌لر دن فایده‌لنه آلمه‌یدیگن منطقه‌لرده یشه‌یدی. دنیا ده (AQI) هوا افلاسلنیشی و صفت شاخصی معلوماتی اساسیده، افغانستان هواسی افلاس‌لنگن مملکت‌لردن بولیب و بو افلاس‌لنیش‌لر کوپراق صناعتی منطقه‌لر همده پلاستیکی موادلر دن تاپیله‌دی. اوشبو نهاد گه کوره، شخصی نقلیه واسطه‌لر دن قوللنیش و دودلی و باشقه مصنوعی موادلر یاقیلیشی یشش محیط نی افلاس‌لنتیرگن.
هوا افلاسلنیشی و هوا صفتی شاخصی ده ایتیلیشیچه، افغانستان چین و هند کبی اقتصادی غوللر مملکت‌لر که هوا افلاس‌لنیشیدن ضرر کوره‌یاتگن مملکت‌لر قطاری گه کیره‌دی، البته بوتوغریده هیچ رولی بولمسدن. بو نهاد نینگ معلومات‌لری گه بناً، هوا افلاسلنیشی تنفسی کسللیک، اۉپکه اورته‌دن کیتیشی، تېری یاریلیشی، کۉز، بۉرون و آغیز عفونت کسلی گه چلینه‌دی. مذکور نهاد گه کوره، صناعتی مواد یاقیلیشی باعث یشش محیط افلاسلنیشی بویوک‌لر گه نسبتن باله‌لرنی جدی تهدید قیلیب اۉپکه کسللیگی و اوسیش‌لری اۉستیگه سلبی تاثیر قویه‌دی.
دنیا ده (AQI) هوا افلاسلنیشی و صفت شاخصی اساسیده پلاستیک‌لر یاقیلیشی باعث دودلر عصب تیزیمی گه جدی ضرر ېیتکیزیب و انسان حیاتی اۉستیگه سلبی تاثیر قیلیشی ممکن. کۉپ چرچش، باش آغریق، جگر و بویره‌ک سیستمی کسلی، هوا افلاس‌لنیش عامللریدن بولیشی ممکن.
بوندن آلدین خلق‌ارا ساغلیق‌نی سقلش تشکیلاتی ترقه‌تگن گزارشی ده، افغانستان دایمی انسانی انقراض بیلن دۉچ لیگینی ایتگن. بو نهاد گه کوره، افغانستان فقرالری ثبات‌سیز ساغلیق تیزیمینی تحمل قیلیب و آچلیک بیلن یۉزمه یۉز دیر. بو گزارش ده کیلیشیچه، تۉییب آوقت‌لنمسلیک، کسللر ترقه‌لیشی، آغیر قورغاقچیلیک و طبیعی حادثه‌لر افغانستان ده ساغلیق تیزیمی اۉستیگه تاثیر قیلیب و طالبان تامانیدن یره‌تیلگن چیکلاولر یشاوچیلر اېنیقسه عیاللر نینگ ساغلیق مراقبت‌لر دن فایده‌لنه آلمسلیکّه سبب بولگن.
ایتیش کېره‌ک حاضرگی کونده مملکت ده چمه‌سی ۴۰۰ اداری واحد دن یالغیز ۹۰ تومنده ساغلیق مرکز فعال دیر و ۳۰۰ دن آرتیق تومنده هیچ متخصص عیال یوق.
خلق‌ارا ساغلیق‌نی سقلش تشکیلاتی عین‌حالده مملکت ده حاد تنفسی کسللر سانی آشگنیدن خبر بیرماقده که طالبان ساغلیق‌نی سقلش وزیرلیگی ېیتکیرمه‌لر بیلن اۉتکزگن صحبتیده مملکت ده بو کسللیکّه چلینگنلر سانی آشیب و میلادی اوشبو ییل نینگ بیرینچی آیی ده بیر میلیون دن آرتیق کیشی تنفسی کسللیکّه چلینگنینی تصدیقله‌گن.
