الجزیره: ترمپ ایران اوستیگه اقتصادی باسیمنی ایکّی برابر آشیره‌دی
امریکا جمهور باشلیغی دونالد ترمپ، ایران اوستیگه اقتصادی باسیمنی ایکّی برابر آشیریشینی ایتدی.
الجزیره شنبه کونی، ۲ می، خبر بېریشیچه، امریکا ایران فایده‌سیگه هرمز بۉغازیدن اۉتیش اوچون «یۉل حقی» تۉله‌یدیگنلرگه قرشی چېکلاولر جاری قیله‌دی.
ترمپ شونینگدېک، ایراننی مالیوی باسیم آستیگه قۉییش استراتیژیسی ثمره‌لی بۉلیشینی تاکیدله‌گن.
اونینگ دعوا قیلیشیچه، هرمز بۉغازی نینگ یاپیلیشی ایرانلیکلرگه میلیونلب دالر ضرر کېلتیره‌دی.
او ینه تأکیدله‌د که ایران ایچیده‌گی شخصلر و تشکیلاتلرگه قرشی جاری چېکلاولر اقتصادی تأثیر کۉرسه‌تماقده.
اونگه کۉره، ایران اوستیگه اۉتکزیله‌یاتگن باسیم تهراننی مذاکره چوکییگه آلیب کېله‌دی و او یېرده اونینگ شرطلری اساسیده کېلیشوو حقیده گپلشیشگه مجبور قیله‌دی.
امریکا مالیه وزیرلیگی معلوم قیلیشیچه، بۉغازدن اۉتیش اوچون ایرانگه «تۉلاو حقی» تۉله‌یدیگن تشکیلاتلر و شخصلرگه قرشی چېکلاولر قۉللنه‌دی.
بوندن آلدین، ایران جمهور باشلیغی مسعود پزشکیان امریکانینگ هرمز بۉغازیده‌گی دېنگیزی قملینی «ظالمانه» دېب اته‌گن اېدی.
