اسراییل اوردوسی لبنان جنوبینی بامباردمان قیلدی
لبنان منبعلری اسراییل اوردوسینینگ قیرووچی اوچاقلری اوشبو مملکتنینگ جَنوبی حدودلریده اېرتهلب ایکّی تۉلقینلی هوا هجوملرینی عملگه آشیرگنینی خبر قیلگن.
الجزیره پنجشنبه کونی، ۲۷-اگوست، اوشبو هجوملر لبناننینگ جَنوبیدهگی نبطیهدهگی شرقی چېکّه حدودده جایلشگن علیالطاهر تېپهلیگی حدودیگه اویوشتیریلگنینی خبر قیلگن.
خبرگه کۉره، اوشبو حدودگه بیر قطار راکتلر کېلیب توشگن، نتیجهده کوچلی پارتلشلر یوز بېرگن و بوتون حدود بۉیلب هواگه توتون کۉتریلگن.
بوندن تشقری، لبنان منبعلری اسراییل قیرووچی اوچاقلری اۉتگن کېچه دوامیده هم شرقی زوتر و میفادون شهرلری اۉرتهسیدهگی حدودگه قۉشیمچه هوا هجوملرینی عملگه آشیرگنینی اَیتگن.
بو حالت اسراییل جاری ییلنینگ جون آییده امریکا واسطهچیلیگیدهگی مذاکرهلردن سۉنگ لبنان حکومتی بیلن اۉت آچیشنی تۉختهتیش بۉییچه کېلیشووگه اېریشگنیگه قرهمهی، اوشبو مملکتنینگ جَنوبی نقطهلریگه هجوملرنی همان دوام اېتتیرهیاتگن بیر پیتده یوز بېرماقده.
