امریکا نینگ سۉنگی توقنشوولر گه مناسبتی: طالبان و پاکستان مذاکره قیلیشی کېره‌ک
۸صبح، کابل: پاکستان نینگ افغانستان توپراغی گه هوا هجوم‌لری طفیلی مملکت نینگ اوچ ولایتیده طالبان و پاکستان حربی کوچلری آره‌سیده‌گی توقنشوولردن کیین، واشنگتن ایکّی تاماندن قیینچلیک‌لرینی مذاکره آرقه‌لی حل قیلیش‌لرینی سۉره‌گن.
آق‌سرای و امریکا تشقی ایشلر وزیرلیگی ۲۸ حوت، دوشنبه کونی کېچ قورون اۉتکزگن خبری ییغیلیش‌لریده ایکّی تامان آره‌لریده‌گی قیینچیلیکنی مذاکره آرقه‌لی حل قیلیش‌لرینی اېسته‌گنلر.
آق‌سرای سۉزلاوچیسی کرین ژان پیر، ایکّی تامان اورته‌لریده‌گی معمانی مذاکره آرقه‌لی حل قیلیب و تینچ اهالی خوفسیزلیگی تامین اېتیلیشیدن ایشانچ تاپیش‌لری کېره‌ک دیگن.
عین‌حالده، امریکا تشقی ایشلر وزیرلیگی سۉزلاوچیسی نینگ اۉرین باسری ودانت پاتل، ایکّی تامان گه تلفات اېتمسلیگی اوچون اقدام قیلیش‌لرینی اۉرغوله‌گن.
پاتل پاکستان نی مهم و کلیدی شریکی اته‌ب، تروریسم و باشقه عصیانچی گروه‌لر گه قرشی کوره‌ش ده پاکستان نی قۉللب-قوتلشینی اېتگن.
اونگه کوره، شمالی وزیرستان ده پاکستان اردوسی نینگ بیر قرارگاهی‌ده اۉیوشتیریلگن پارتلش و اوندن کیین افغانستانده توقنشوولر طفیلی تینچ اهالی نینگ هلاک بولیشیدن افسوس ده اېکنینی بیلدیرگن.
پاکستان ۲۸ حوت، دوشنبه کونی بامداد پیتی پکتیکا و خوست ولایت‌لریده هوا هجوم اۉیوشتیریب و اوشبو هجوم‌لرده عبدالله شاه اسملی تی‌تی‌پی قوماندانی اۉلدیریلگن‌لیگینی ادعا قیلدی، لېکن هجوم دن نیچه ساعت اۉتگچ، پاکستان‌لیک طالبلر تحریکی نینگ اوشبو قوماندانی بو ادعا نی رد قیلدی.
مذکور هجوم‌ده عیاللر و باله‌لر شامل کمیده سکیز کیشی هلاک بولگن و طالبان هم بو هجوم گه مناسبت بیلدیریب، پکتیکا ده انگور اده، پکتیا ده دندپتان و خوست ولایتی تنی تومنیده پاکستان حربی کوچلری نینگ پوسته‌لرینی نشانگه آلدیلر.
بو اۉروش اۉتگن کیچه کېچ قورون توخته‌گن بولسه ده، بیراق منبعلر ایکّی تامان تیار حالده‌لیگینی اېتگنلر.
