پاکستانده افغانستان‌لیک بیر خبرچی نینگ جانی گه قصد قیلیندی
۸صبح، کابل: پاکستان پایتختی اسلام‌آباد شهری ده‌گی منبعلر نینگ ایتیشلریچه، ایکّی قوراللی هجومچی آزادلیک رادیوسی نینگ خبرچیسی و پروان و پنجشیر ولایت‌لریده محلی اوچ یېتکرمه صاحب امتیازی احمد هنایش نینگ جانی گه قصد قیلگنلر.
هنایش قرینداشلری نینگ ۸صبح کونده‌لیگی گه ایتیشیچه، بو واقعه ۱۵ حمل، چهارشنبه کیچه اسلام‌آباد ده جرمنی ایلچیخانه‌سی یقینیده یوز بیرگن.
اولر گه کوره، اونینگ ایاغی و باشیگه ایکّی اوق تېکّن.
منبعلر نینگ معلوماتی اساسیده، هجومچیلر موترسایکل آرقه‌لی واقعه محلی‌دن قاچیب کېتگنلر.
شو بیلن بیرگه، مذکور خبرچی نینگ قرینداشلری اونینگ ساغلیق احوالینی قانیقرلی دیگنلر.
پاکستان رسمی‌لری بوتوغریده حاضرگچه فکر-ملاحظه بیلدیرمه‌گن.
ایتیش کېره‌ک که طالبان ایکّینچی مرته قدرت نی آلیشیدن سۉنگ، یوزلب ژورنالیست اوشبو گروه تامانیدن خوفسیزلیک تهدیدلر طفیلی قۉشنی مملکتلر اینیقسه پاکستان گه باش پنه اېلتگنلر.
