سنتکام ایرانده‌گی قریب ۹۰ ته حربی نشانگه هجوم قیلگنینی معلوم قیلدی
امریکا قۉشمه ایالتلری حربی کوچلری‌نینگ مرکزی قوماندانلیگی (سنتکام) ایرانگه قرشی نوبتده‌گی هجوملر باسقیچی یکونلنگنی و مملکت‌نینگ تورلی حدودلریده‌گی قریب ۹۰ ته حربی نشانگه ضربه بېریلگنی حقیده خبر بېردی.
سنتکام، پنج‌شنبه، ۹-جولای کونی ایکس صحیفه‌سیده یازیشیچه، امریکا کوچلری ایران قیرغاق چیزیغی بۉیلب هوا مدافعه‌سی تیزیملری، قیرغاق کوزه‌توو اسکونه‌لری، راکت و درون انبارلری، دېنگیز صلاحیتی همده حربی لوجستیک انشااتلریگه ضربه بېرگن.
اوشبو قوماندانلیک‌نینگ معلوم قیلیشیچه، مذکور هجوملردن مقصد ایران‌نینگ هرمز بۉغازیده تجارت کېمه‌لریگه هجوم قیلیش امکانیتلرینی ینه‌ده ضعیفلشتیریش بۉلگن.
بو شونده‌ی بیرحالده دیر که سنتکام اۉتگن کون هم ایران جنوبی حدودلریده‌گی ۸۰ دن آرتیق نشانگه، جمله‌دن، اسلامی انقلاب قۉریقچیلری ۶۰ دن آرتیق تېزکار قایق‌گه هجوم قیلینگنی حقیده خبر بېرگن.
