افغانستانده تعلیم بحرانی:۱۰ یاشلی باله‌لر نینگ ۹۰ فایزدن آرتیغی عادی متننی اۉقی آلمه‌یدی
۸صبح، کابل: بیرلشگن ملت‌لر تشکیلاتی نینگ باله‌لرنی قۉللب-قوتلش جمغرمه‌سی (یونیسف) معلوم قیلیشیچه، افغانستانده ۱۰ یاشلی باله‌لر نینگ ۹۰ فایزدن آرتیغی عادی متننی اۉقیش قابلیتی‌گه اېگه اېمس.
یونیسف، ۷ دلو، سه‌شنبه کونی، اعلان قیلگن خبرنامه‌سیده افغانستان تعلیم تیزیمی اۉزی نینگ اېنگ تنزللی نقطه‌سیگه یېتگنیدن آگاهلنتیردی.
خبرده شونده‌ی ایتیلیشیچه: «۱۰ یاشلی باله‌لر نینگ ۹۰ فایزدن آرتیغی عادی بیر متننی اۉقی آلمه‌یدی، بو اېسه بیلیم آلیشسیز مکتبگه باریش بحران دن دلالت بېره‌دی.»
مذکور تشکیلات هر بیر باله نینگ موفقیتینی تأمینلش اوچون باشلنغیچ تعلیم، سوادخوانلیک و حساب-کتاب ساحه‌لریگه اوزلوکسیز سرمایه کیریتیش ضرورلیگینی تأکیدله‌دی.
شو بیلن بیرگه، یونیسف و یونسکو معلوماتلریگه کۉره، طالبان تامانیدن ۲.۲ میلیون نفر اۉسمیر قیز مکتب تعلیمیدن محروم اېتیلگن.
خبرلرگه کۉره، طالبان افغانستانده حاکمیتگه قیتگنیدن سۉنگ، مملکت نینگ تعلیم تیزیمی جدّی بحران گه دوچ کېلگن.
