مزارشریفنینگ اَیریم حدودلریدهگی برق اۉزبېکستان ترماغیگه اولندی
۸صبح، بلخ: مزارشریفدن بۉلگن منبعلرگه کۉره، اوشبو ولایتنینگ برق ترماغی وقتینچه اۉزبېکستاندن آلیب کېلینهدیگن برق ترماغیگه اولنگن.
اوشبو منبعلر دوشنبه کونی، ۹-سنبله، ۸صبح گزېتهسیگه مزارشریفنینگ اَیریم حدودلری اۉزبېکستاندن آلیب کېلینهدیگن برق انرژیسیگه اولنگنینی اَیتدی.
طالبان نظارتی آستیدهگی بلخ برشنا حوزهسیدن بیر منبع مزارشریف شهرینینگ مهم و نازک نقطهلریدهگی برق ترماغی اۉزبېکستاندن آلیب کېلینهدیگن برق ترماغیگه اولنگنینی اَیتدی.
منبع قۉشیمچه قیلیشیچه، حاضرچه فقط ابن سینا حوزوې شفاخانهسی و اَیریم ادارهلر برق ترماغیگه اولنگن، برق انرژیسی اېسه شهرنینگ تورلی حدودلریگه نوبت بیلن تقسیملنهدی.
اوشبو منبعگه کۉره، تورکمنستاندن آلیب کېلینهدیگن برق انرژیسی اولنمسه، برق انرژیسی یېتیشمسلیگی سببلی شهرده برقنی نوبت بیلن تقسیملش دوام اېتهدی.
بو شوندی بیرحالده دیر که اۉتگن کون توشدن کېیندن باشلب تورکمنستاندن آلیب کېلینهدیگن برق ایمپورت قیلینهدیگن الکتر انرژیسینینگ اوزیلیشی بلخ، سمنگان، جوزجان، سرپل، بادغیس ولایتلری و هراتنینگ اَیریم حدودلرینی قارانغولیکده قالدیردی.
