فایق: قۉشنی دولتلرده‌گی افغان مهاجرلری زۉروانلیککه دچارلر
۸صبح، کابل: افغانستان نینگ بیرلشگن ملتلر تشکیلاتیده‌گی نماینده‌لیگی سرپرستی نصیر احمد فایق قۉشنی مملکتلرده‌گی افغانستانلیک قاچقین و مهاجرلر قانونی وضعیت، حمایه قیلیش و میزبان مملکتلرده سوء استعمال بۉلیش برابریده‌گی آسیب پذیرلیککه باغلیق قیینچیلیکلر بیلن یوزمه یوز اېکنلیکلرینی بیلدیردی.
فایق بو قبیل اظهاراتلرنی ۲- عقرب سه‌شنبه کونی بیرلشگن ملتلر تشکیلاتی خوفسیزلیک کېنگشی نینگ اوچینچی کمیته‌سی نینگ ییتمیش سکّیزینچی ییغینده تیلگه آلگن.
افغانستان نینگ بیرلشگن ملتلر تشکیلاتیده‌گی نماینده‌لیگی سرپرستی: «اوزاق ییللر دوامیده افغانستانلیکلرنی میزبانلیک قیلگن مملکتلرنینگ سخاوتیدن منتدارچیلیک قیلیب آلقیشله‌یمیز. اولرنینگ جوابی شفقت و انسان دوستانه اصوللرگه استوار تعهدگه یۉنلتیریلگن بۉلیشینی» کوته‌میز دېدی.
شونینگدېک نصیر احمد فایق اوشبو ییغینده ینه بیر بار افغانستانده طالبلر حکمرانلیگی وضعیتی آستیده‌گی انسان حقوقلرینی «چوقور» بیر حالتده خواطرلی دېب قۉشیمچه قیلگن.
اونینگ کۉپه‌یتیریشیچه، آسیب‌پذیرلیک نقطه نظردن جوابگر حکومت بۉلمه‌گنی اوچون انسانی بحران، استثمار، سوء‌استعمال قیلیش خاتین – قیزلرنی رادیکالیزه بۉلیشینی کۉپراق اېته‌دی.
عایله‌وی زوروانلیک و جنسیتگه باغلیق قتللر آشگنی یانیده بلاغتگه یېتمه‌گن باله‌لرنی اېرته تورموشگه چیقاریش حاللری کۉپیگنی خواطرلی دیر و قانونی و عدالتلی یۉللرگه اېریشیلمسلیک، خاتینلرگه نسبتن زورانلیکنی دوام اېتتیره‌دی مجازاتدن مصون قالیش اوچون «بونده‌ی دهشتلی جنایتلر»نی کوچه‌یتیره‌دی دېب ایتگن فایق جنابلری.
اونینگ بیلدیریشچه: «خلق‌ارا همجعیت اوشبو حقوق بوزرلیکلرنی برطرف اېتیش، افغان خلقی نینگ حقوقلری و فراوانلیگینی حمایه قیلیش، قانونی و کېنگ سیاسی توزیلمه‌نی شکللنتیریشگه آلیب کېله‌دیگن تضمینی یېچیمنی تأمینلش بۉییچه موافقلشتیریلگن حرکتلرنی عملگه آشیریشی کېره‌ک.»
ایتیش کېره‌ک که افغانستان ایشلری بۉییچه بیرلشگن ملتلر تشکیلاتی نینگ مخصوص گزارشگری ریچارد بنت اۉزی نینگ تشکیلاتگه بیرگن گزارشیده، ایریم قیینچیلیکلر جمله‌دن طالبلرنینگ باستیریش سیاستی سبب انسان حقوقلری وضعیتی بوزیلیشی، مجازاتنی معافیت قیلیش مدنیتی حاکملیگی، دایمی انسانی و اقتصادی بحران، سۉنگی اۉلیملر، یېر قیمیرلشلر و مهاجرلرنی زودن مملکتگه قیتیریشگه روپه ره بۉلگن موردلرنی اشاره قیلگن.
بنت نینگ تأکیدلشیچه، بولرنینگ برچه‌سی مملکت و منطقه‌ده کېینگی عذاب-عقوبتلر و یوزه‌گه کېلیشی ممکن بۉلگن بې‌قرارلیک نینگ آلدینی آلیش اوچون زودلیک بیلن چاره کۉریشنی طلب قله‌دی.
