آلمان افغانستان خلقی گه ۱۵ میلیون یورو یاردم کورستدی
۸صبح، کابل: خلق‌ارا آزیق-آوقت دستوری آلمان اقتصادی و ترقیاتی همکارلیک‌لر وزیرلیگی، ۱۵ میلیون یورو افغانستان خلقی گه یاردم کورستگنیدن خبر بیرگن.
خلق‌ارا آزیق-آوقت دستوری ۷حمل، سه‌شنبه کونی بیر بیانیه ترقه‌تیب، آلمان نینگ بو یاردم‌لری زیان‌لی و افغانستان مکتب اوقووچیلری نینگ آوقت‌لش دستوری بولیم‌لریده صرفلنیشی ممکن دیگن.
مذکور نهاد گه کوره، آلمان ۲۰۲۳ییلدن حاضرگچه افغانستان خلقی گه ۷۸ میلیون یورو یاردم بیرگن.
آلمان اقتصادی و ترقیاتی همکارلیک‌لر وزیرلیگی نینگ بحران‌لرنی باشقریش و قیته قوریش ایشلری بوییچه بولیم باشلیغی کاترینا اسپیس، مملکتی افغانستان خلقینی قۉللب-قوتلش گه دوام بیریشینی اېتگن.
عین‌حالده، افغانستانده خلق‌ارا آزیق-آوقت دستوری نینگ مدیری هسیائو وی لی، بو مملکتده اقلیم اۉزگریشی، قوروقچیلیک، سوو تاشقینی و باشقه طبیعی آفت‌لر سلبی تأثیر قویگنینی بیلدیرگن.
اونگه کوره، خلق‌ارا آزیق-آوقت دستوری دهقان‌لر و عایله‌لر نینگ سرپرستی بولگن عیاللرنی قۉللب-قوتله‌یدی.
بو یاردم‌لر عین‌حالده کورسه‌تیلماقده بوندن آلدین بیرلشگن ملتلر تشکیلاتی باش کاتبی آنتونیوگوترش، بو تشکیلات افغانستانده انسانی بحران‌نی باشقریش اوچون نیازی بولگن بودجه دن یالغیز اوچ فایزینی قولگه کېریتگنینی اېتگندی.
