طالبان چېگره‌ده پاکستان حربی‌لری قرارگاه‌لری گه هجوم قیلگندن کیین خوست‌ده اۉروش باشلندی
۸صبح، خوست: طالبان مدافعه وزیرلیگی پاکستان نینگ پکتیکا و پکتیا ولایت‌لریده هجوم‌لری گه جواب قیتریشینی اېتگندن سۉنگ، خوست‌ده محلی منبعلر اوشبو ولایت نینگ تنی تومنیده ینگی اۉروش باشلنگنیدن خبر بیره‌دیلر.
مذکور ولایتده‌گی منبعلر گه کوره، ۲۸ حوت، دوشنبه کونی، طالبان و پاکستان حربی کوچلری خوست ولایتی تنی تومنیده ورژله چېگره‌سی چېزیغیده توقنشگنلر.
اوشبو توقنشوولر تلفاتی و زیان‌لری حقیده حاضرگچه معلومات بیریلمه‌گن.
نیچه ساعت آلدین طالبان مدافعه وزیرلیگی ترقه‌تگن بیانیه‌سیده ملا محمدیعقوب دن نقل قیلیب یازیشیچه، بو وزیرلیک کوچلری پکتیکا و خوست ولایت‌لریده پاکستان نینگ هوا هجوم‌لری گه جواب، چېگره چېزیغیده مذکور مملکت حربی‌لری نینگ قرارگاه‌لرینی نشانگه آلگنلر.
ایتیش کېره‌ک حاضر پکتیکا ولایتی برمل تومنی اده انکور و پکتیا ولایتی دندپتان‌ده طالبان و پاکستان حربی‌لری آره‌سیده توقنشوولر دوام اېتماقده.
پاکستان اۉتگن کیچه پکتیکا و خوست ولایت‌لری نینگ اېریم منطقه‌لری گه هوا هجوم اۉیوشتیرگن، طالبان نینگ معلوماتی اساسیده، بو هجوم‌لر عاقبتیده اوچ باله و بیش عیال شامل سکیز کیشی هلاک بولگنلر.
