خلق‌ارا کېچیریم تشکیلاتی کابلده عیاللر و باله‌لر حقوقلرینی اۉرگنووچی تشکیلات‌نینگ آلتی نفر خادیمی حبسگه آلینگنیدن خواطر بیلدیردی
۸صبح، کابل: خلق‌ارا کېچیریم تشکیلاتی کابلده‌گی «عیاللر و باله‌لر حقوقلرینی تدقیق اېتیش تشکیلاتی»نینگ آلتی نفر خادیمی اۉزباشیمچه‌لیک بیلن حبسگه آلینگنی، افغانستانده انسان حقوقلری و فقرالیک مکانیگه قۉییله‌یاتگن چېکلاولر دوام اېته‌یاتگن بیر شرایطده، چوقور تشویش اویغاته‌یاتگنینی بیلدیردی.
بو تشکیلات جمعه کونی، ۱۶ اسد، ایکس صحیفه‌سیده اوشبو آلتی نفر خادم ۱۸-جولایدن بویان «اۉزباشیمچه‌لیک بیلن» حبسده سقلنه‌یاتگنینی اَیتدی.
خلق‌ارا کېچیریم تشکیلاتی طالبان مسؤوللریدن بو شخصلرنی زودلیک بیلن آزاد قیلیشنی سۉره‌دی.
تشکیلات، شونینگدېک، طالباندن «تنقیدی آوازلرنی سکوتگه کېلتیریش اوچون آلیب باریله‌یاتگن باستیریش کمپاینی»گه برهم بېریشنی طلب قیلدی.
بیرلشگن ملتلر تشکیلاتی‌نینگ افغانستانده انسان حقوقلری بۉییچه مخصوص گزارشگری ریچارد بنت هم اوشبو شخصلر حبسگه آلینگنیگه ۲۱ کون بۉلگنینی اَیتگن اېدی.
بنت شونینگدېک، کابلده‌گی «عیاللر و باله‌لر حقوقلرینی تدقیق اېتیش تشکیلاتی»نینگ آلتی نفر خادیمینی زودلیک بیلن آزاد قیلیشگه چقیرگن.
