خلق‌ارا مهاجرت تشکیلاتی افغانستاندهگی ۳۹۳ مینگ‌دن آرتیق قَیتیب کېلگنلرگه یاردم بېردی
۸صبح، کابل: خلق‌ارا مهاجرت تشکیلاتی (IOM) افغانستانده ۳۹۳ مینگ‌دن آرتیق حمایه‌گه محتاج قَیتیب کېلووچیگه شاشیلینچ انسانپرورلیک یاردم کۉرسه‌تگنینی معلوم قیلدی.
اوشبو تشکیلات سه‌شنبه کونی، ۲۷-اسد، اوشبو یاردملر ۲۰۲۵-ییل مارچ آییدن ۲۰۲۶-ییل می آییگچه اروپا اتفاقی‌نینگ انسانپرورلیک یاردمیده مملکت‌نینگ بېش ته چېگره ولایتیده‌گی قَیتیب کېلووچیلرگه کۉرسه‌تیلگنینی خبر قیلدی.
حساباتگه کۉره، اوشبو قَیتیب کېلووچیلر هرات، نیمروز، قندهار، هلمند و ننگرهار ولایتلریده‌گی چېگره‌لری آرقه‌لی افغانستانگه کیریب کېلگن.
تشکیلات‌نینگ اَیتیشیچه، قَیتیب کېلووچیلر اۉزلری‌نینگ شاشیلینچ احتیاجلریگه کۉره، جمله‌دن، وقتینچه‌لیک باش‌پناه، بیرینچی طبی یاردم، ترانسپورت و کۉپ مقصدلی نقد پول یاردمینی آلگن.
بیرلشگن ملتلر تشکیلاتی اوشبو یاردملر افغانستان مهاجرتلر‌نینگ کېنگ کۉلمده قَیتیشی، طبیعی آفتلر‌نینگ یوز بېریشی و انسانپرورلیک احتیاجلر‌نینگ آرتیشی بیلن یوزمه-یوز کېله‌یاتگن بیر شرایطده کۉرسه‌تیلگنینی قۉشیمچه قیلدی.
تشکیلات افغانلر‌نینگ پاکستان و اېراندن سېزیلرلی درجه‌ده کۉپراق قَیتیشی چېگره آست-قورمه‌لری، اساسی خدمتلر و مېزبان جماعه‌لرگه ینه‌ده کتّه باسیم اۉتکزگنینی بیلدیردی.
