افغانستانده انترنت نینگ اوزیلیشی؛ بیرلشگن ملتلر تشکیلاتی رادیو و صنعی یۉلداش علاقه‌لریدن فایده‌لنیش‌گه مجبور بۉلدی
۸صبح: بیرلشگن ملتلر تشکیلاتی نینگ بیر منبعسی معلوم قیلگنیچه، افغانستانده انترنت و موبایل تلفنلر نینگ کېنگ کۉلملی اوزیلیشی نتیجه‌سیده اوشبو تشکیلات نینگ عملیاتلری جدی تأثیر آستیده قالگن و خادملر فعالیتلرینی رادیو علاقه و چېکلنگن صنعی یۉلداش لینکلری آرقه‌لی دوام اېتتیریشگه مجبور بۉلگن.
بیرلشگن ملتلر تشکیلاتی، ۸-میزان، سه‌شنبه کونی، طالباندن بوتون مملکت بۉیلب انترنت و مخابرات خدمتلریگه کیریشنی درحال تیکلشنی سۉره‌گن.
طالبان نینگ بیر رسمیسی اول فرانسه آژانسی‌گه بېرگن معلوماتیده، «سکیزدن تۉقیز مینگگچه مخابرات مناره‌سی» اۉچیریلیشینی و بو وضعیت «کېینگی خبرگچه» دوام اېتیشینی بیلدیرگن اېدی.
بیرلشگن ملتلر تشکیلاتی و انسان حقلری فعاللری آگاهلنتیرگنکی، افغانستانده انترنت نینگ اوزیلیشی بانکلر نینگ فعالیتینی توخته‌تگن، تجارتلرنی توخته‌تگن و تعلیم همده طبی خدمتلرگه کیریشنی چېکله‌گن.
بو طالبان افغانستانگه قیتگندن کېین بوتون مملکت بۉیلب علاقه‌لر کېنگ کۉلمده اوزیلگن بیرینچی حالتدیر.
دیپلوماتیک منبعلر شونینگدېک تأکیدله‌گنیچه، اوشبو وضعیت نینگ دوام اېتیشی مملکت اقتصادی و انسانی خوفسیزلیک اوچون کېنگ قمراولی عاقبتلرگه آلیب کېلیشی ممکن.
