ایران افغانستان‌لیک تورت کیشینی دار گه آسدی
۸صبح، کابل: ایران اسلامی انقلاب محکمه‌سی، مشهد تورمه‌خانه‌سیده افغانستان‌لیک تورت محبوسنی دار گه آسگن.
حال‌وش گزارشی گه کوره، بو کیشیلر ۳۰ حمل، پنج‌شنبه کونی مشهد وکیل‌آباد تورمه‌خانه‌سیده دار گه آسیلگنلر.
بو تورت کیشی جمله دن ایکّی ایناغه بنگی‌وار ماده‌لرنی قاچاق قیلیش گه عیبلنیب و دار گه آسیلیش گه محکوم بولگن اېدیلر.
زمان طاهری، سلام طاهری، غلام قادر سامانی و ابراهیم نورزهی آت‌لری بولگن کیشیلر دار گه آسیلگن دیېدی، حال‌وش
ایران ده بنگی‌وار ماده‌لرنی قاچاق قیلیش عیبی بیلن افغانستان‌لیک فقرالر نینگ دار گه آسیلیشی سابقه‌سیز خبر اېمس.
ایران قضایی محکمه‌سی اۉتگن ییل ۸ دلو ده اوشبو مملکت نینگ بیرجند تورمه‌خانه‌سیده افغانستان‌لیک ایکّی فقرا نینگ دار گه آسگن اېدی.
ایتیش کېره‌ک که طالبان کمیده ایکّی مراتبه افغانستان‌لیک محبوس‌لر نینگ تقدیری باره‌سیده ایران رسمی‌لری بیلن مذاکره قیلگنلر، بیراق اولر نینگ بو سعی-حرکتلری حاضرگچه نتیجه بیرمه‌گن.
