ایران اوردوسی امریکا هجوملری عاقبتیده یېتّی نفر ایرانلیک حربی جان بېرگنینی معلوم قیلدی
ایران اوردوسی امریکا‌نینگ ایران‌شهر حدودیده‌گی «بمپور» حربی قرارگاهیگه اویوشتیرگن راکت هجومی عاقبتیده یېتّی نفر ایرانلیک عسکر جان بېرگنینی معلوم قیلدی.
تسنیم اخبارات آژانسی، چهارشنبه کونی، ۱۵ جولای، اوشبو حربی قرارگاه امریکا‌نینگ ۱۳ ته راکتی بیلن نشانگه آلینگنینی خبر قیلدی.
خبرگه کۉره، جان بېرگن حربیلر‌نینگ برچه‌سی ایران اوردوسی‌نینگ قوروقلیکده‌گی قۉشینلری ترکیبیده خدمت قیلگن. بیراق امریکا هجوملری عاقبتیده یره‌لنگنلر سانی حقیده هېچ قنده‌ی معلومات اعلان قیلینمه‌گن.
ایران اوردوسی اوشبو امریکا هجوملریگه تېگیشلی وقتده «قطعی جواب» بېریشینی بیلدیرگن.
بو ایران و امریکا‌نینگ فارس کۉرفزیده بیر-بیری‌نینگ حربی نشان‌لریگه قرشی اۉزارا هجوملری منطقه‌ده ینه کېنگ کۉلملی اوروش باشلنیشی حقیده‌گی خواطرلرنی کوچه‌یتیره‌یاتگن بیر پیتده یوز بېرماقده.
