رییسی و همراه‌لری نینگ جنازه مراسمی تهران ده بولیب اۉتدی
ایران جمهور باشلیغی سیدابراهیم رییسی و همراه‌لر نینگ جنازه مراسمی تهران ده بولیب اۉتدی.
اوشبو مراسم ۲۲ می، چهارشنبه کونی یولگه قوییلگن اېدی، حماس نینگ سیاسی اداره باشلیغی اسماعیل هنیه، حزب‌الله لبنان اۉرین باسری نعیم قاسم، پاکستان، عراق و ارمنستان باش وزیرلری و باشقه بیرقطار مملکتلر نینگ رهبرلری و عملدارلری حضور تاپگن اېدیلر.
طالبان باش وزیری نینگ اقتصادی اۉرین باسری ملا عبدالغنی برادر و تشقی ایشلر وزیرلیگی سرپرستی امیرخان متقی تهران گه بارگنلر.
سیدابراهیم رییسی، حسین امیرعبداللهیان و باشقه ییتّی کیشی بولگن تیک‌اوچر اوشبو هفته یک‌شنبه کونی مذکور مملکت نینگ شرقی آذربایجان ولایتی تاغلی منطقه‌سیده قولشی باعث هلاک بولدیلر.
تیک‌اوچر قولشی عاقبتیده اولر نینگ هلاک بولیشی، دنیا بویلب کېنگ کولملی مناسبت‌لر گه سبب بولگن.
اولر ارا امریکا تشقی ایشلر وزیرلیگی سۉزلاوچیسی متیومیلر، مملکتی ایران جمهور باشلیغی ابراهیم رییسی نینگ اۉلیمی گه تسلیت بیلدیرگن بولسه ده، بیراق بو واقعیت ایران خلقینی سرکوب اېتیشده اونینگ ایشلرینی اۉزگرتیره آلمه‌یدی.
