اسلامی ترقیات بانکی افغانستانده انسان پرورلیک ۱۴ لایحه عملگه آشیریلگنیدن خبر بیردی
۸صبح، کابل: اسلامی ترقیات بانکی «افغانستان انسان پرورلیک امانی صندیغی» یوتوق‌لری حقیده تیارله‌گن بیرینچی گزارشیده، اۉتگن میلادی ییلده اوشبو مملکتده انسان پرورلیک ۱۴ لایحه عملگه آشیریلگنینی اېتگن.
اوشبو گزارش ۹ ثور، یک‌شنبه کونی ترقه‌لگن کېلیشیچه، بو لایحه‌لر ده ایکینچیلیک، معارف، آزیق-آوقت خوفسیزلیگی، ساغلیق، سوولنتیریش، طبی خذمت کورسه‌تیش شامل دیر.
افغانستان انسان پرورلیک امانی صندیغی نینگ هماهنگ قیلووچی و مصلحتچیسی محمدجمال الساعتی گه کوره: «۲۰۲۳ ییلده ۳۵.۳۵ میلیون دالرلیک ۱۴ لایحه عملگه آشیریلدی بو مقدار پول نینگ ۲۴.۱۴ میلیون دالری افغانستان انسان پرورلیک امانی صندیغی آرقه‌لی صرفلنگن.»
اونگه کوره، اوشبو لایحه‌لر ایش فرصت‌لرینی یره‌تیش آرقه‌لی افغانستان خلقی نینگ اساسی احتیاج‌لرینی برطرف اېتیشی ممکن.
اوشبو گزارش اساسیده، حاضرگی کونده مملکتده افغانستان انسان پرورلیک امانی صندیغی آرقه‌لی ۱۶ لایحه ایشی عملگه آشیریلماقده.
بو گزارش ده کېلیشیچه، حاضر افغانستان انسان پرورلیک امانی صندیغی جهانی حمایت و مشارکت و انقره منطقه‌وی مرکزنی هماهنگ قیلیش بیلن اسلامی ترقیاتی بانکی نینگ منبعلرنی بیرلشتیریش بولیمی تامانیدن باشقریلماقده.
مذکور گزارش اساسیده، اوشبو ییل مارچ آی دن حاضرگه قدر افغانستان گه یاردم کورسه‌تیش اوچون اوشبو صندیق آرقه‌لی قریب ۳۵ میلیون دالر توپله‌نیلگن.
خلق‌ارا یاردم بیرووچی تشکیلات‌لردن بیرقطاری افغانستان خلقی گه یاردم بیریش اوچون بودجه یېتیشمسلیگیدن خواطر بیلدیرگن بیرحالده، بو یاردملر کورسه‌تیلگن.
