اردن ایراندن اوچیریلگن ۲۰ ته راکت یۉق قیلینگنینی خبر قیلدی
اردن اوردوسی بو مملکت حربی-هوا کوچلری ایران تامانیدن اوچیریلگن ۲۰ ته راکت‌نی «ارزق» حدودی تامان یۉنه‌لیشده توتیب آلیب، یۉق قیلگنینی بیلدیرگن.
اردن رسمی اخبارات آژانسی، پترا، پنج‌شنبه کونی، ۱۱ جون، خبر بېریشیچه، اردن‌ده ایران تامانیدن اوچیریلگن راکت‌لرنینگ یۉق قیلینیشی هېچ قنده‌ی انسانی تلفاتلرگه سبب بۉلمه‌گن.
خبرگه کۉره، اردن اوردوسی ایران راکت‌لرینی توتیب آلیش عملیاتیده هوا مدافعه تیزیملریدن تشقری مملکت حربی-هوا کوچلری‌نینگ جنگاور اوچاقلری هم اشتراک اېتگنینی ایتگن.
سۉنگگی کونلرده اردن، «ازر‌ق» حدودیده جایلشگن امریکا کوچلری بزه‌سیگه مېزبانلیک قیلگنی سببلی ایران تامانیدن اوچیریلگن راکت‌لر نشانیگه ایلنگن.
اېران عاموې اخبارات واسطه‌لری بوگون خبر بېریشیچه، ایران اسلام انقلابی قۉریقچیلری ایکّینچی کېچه کېتمه-کېت اردندهگی «ازر‌ق هوا بزه‌سی»نی نشانگه آلیب، اونگه قرشی ۱۲ ته بالیستیک راکت اوچیرگن.
بو شونده‌ی بیرحالده دیر که واشنگتن و تهران اۉرته‌سیده‌گی اوروشنی یکونلش بۉییچه کېلیشووگه اېریشیش اوچون مذاکره‌لر آلیب بارماقده.
