قزاقستان رسمیلری افغانستانده شفاخانه و مکتبلر قوریشنی تکلیف قیلدی
۸صبح، کابل: قزاقستان رسمیلری، بلخ ولایتیده طالبان نینگ محلی مسووللری بیلن بۉلیب اۉتگن اوچرهشووده، افغانستانده ۲۰۰ اۉرینلی شفاخانه و بیر نېچته مکتب قوریشنی تکلیف قیلگن.
طالبان نینگ بلخ ولایتی حاکمی مطبوعات دفتری، ۳- جدی، چهارشنبه کونی، ترقتگن بیاناتیده معلوم قیلیشیچه، اوشبو گروه نینگ ولایت حاکمی، یوسف وفا، قزاقستان نینگ افغانستاندهگی اېلچیسی، گازیاز اکباسوف بیلن سودا همکارلیگی مسألهلری یوزهسیدن مذاکره آلیب بارگن.
بیاناتده قید اېتیلیشیچه، قزاقستان افغانستانده ساغلیقنی سقلش خدمتلرینی کوچهیتیریش مقصدیده ۲۰۰ اۉرینلی شفاخانه برپا اېتیشنی رېجهلشتیرماقده.
شونینگدېک،قزاقستان اېلچیسی بیر نېچته مکتب قوریلیشیگه هم وعده بېرگن.
طالبان افغانستان اوستیدن نظارتنی قۉلگه آلگنیدن سۉنگ، قزاقستان اوشبو گروه بیلن بیر قطار سودا کېلیشوولری و میموراندوملرنی امضالهگن.
