مطیع‌الله ویسا ۲۱۵کوندن کېین طالبلر تورمه‌سیدن آزاد قیلیندی
۸صبح، کابل: قلم یۉلی بنیادی مسوولی همده تعلیم و تربیه بۉییچه فعال مطیع‌الله ویسا ۲۱۵کوندن کېین طالبلر تورمه‌سیدن آزاد قیلیندی.
قلم بنیادی ۴- عقرب پنج‌شنبه کونی توشدن آلدین ایکس اجتماعی صحیفه‌سیگه مطیع‌الله ویسانینگ آزاد قیلینگنیدن خبر بېردی.
مطیع‌الله ویسانینگ ایناغه‌سی عصاالله ویسا هم تعلیم وتربیه بۉییچه بو فعال نینگ آزاد قیلینگنی تصدیقله‌گن.
عین حالده، افغانستان اوچون بیرلشگن ملتلر تشکیلاتی نینگ مخصوص گزارشگری ریچارد بنت ویسانینگ آزاد قیلینگینی خوش قرشیله‌گن.
او ایکس اجتماعی صحیفه‌سی آرقلی انسان حقوقلری بۉییچه برچه فعاللر اینیقسه ژولیا پارسی، ندا پروانی قۉشیمچه بیلیم یورتی استادی رسول عبدی نینگ هم «تیزلیکده» قۉییب یوباریلیشینی سۉره‌گن.
مطیع‌الله ویسا ۲۷- مارچ‌ده، کابل شهری بېشینچی خوفسیزلیک حوزه‌گه قره‌شلی خوشحال‌خان منطقه‌سیده «ویس قرنی» مسجدیدن اویی تامان کېته دیگن بیر پیتده طالبلر گروهی استخباراتی آرقلی قۉلگه آلینگن اېدی.
طالبلر ویسانینگ «شبهه‌لی فعالیتلر»گه قۉلی بارلیککه گمان قیلیب اوشلب آلینگینی ایتگن اېدی.
