اۉتگن کون ۳۰۰ دن آرتیق باش‌پناه ایزلاوچی عایله افغانستانگه قَیتریلدی
۸صبح، کابل: طالبان اۉتگن کون ۳۱۷ عایله، یعنی ۱ مینگ ۵۵۶ نفر افغانستانلیک مهاجر افغانستانگه قَیتریلگنینی معلوم قیلدی.
طالبان سۉزلاوچیسی اۉرین‌باسری، حمدالله فطرت، سه‌شنبه کونی، ۳ سنبله، ترقه‌تگن بیاناتیده تورخم چېگره‌سی آرقه‌لی ۱۸۵ عایله، جمعی ۹۹۰ کیشی افغانستانگه قَیتگنینی اَیتگن.
بیاناتگه کۉره، ۲۲ عایله سپین‌بولدک آرقه‌لی، ۱۰۰ عایله نیمروز چېگره‌سی یۉلی آرقه‌لی و ینه ۱۰ عایله اسلام‌قلعه چېگره‌سی آرقه‌لی افغانستانگه کیریب کېلگن.
بو قَیتیشلر افغانستانلیک مهاجرلرنی پاکستان و ایراندن چیقریب یوباریش همده مجبوری قَیتریش جریانی دوام اېته‌یاتگن بیر پیتده عملگه آشیریلماقده.
شو بیلن بیرگه، خلق‌ارا تشکیلاتلر بوندن آلدین افغانستان‌نینگ کۉپلب قَیتیب کېلووچیلرنی قبول قیلیش امکانیتلری چېکلنگنیدن آگاهلنتیریب، انسانپرورلیک یاردملرنی آشیریشگه چقیرگن.
