مجاهد افغانستان خبرچیلر مرکزی نینگ ییللیک گزارشینی رد قیلدی
۸صبح، کابل: طالبان سۉزلاوچی ذبیح الله مجاهد، بو گروه آرقلی خبرچیلر حقوقی کېنگ کۉلمده آیاغ آستیده اېتیلگنیگه عاید افغانستان خبرچیلر مرکزی نینگ ییللیک گزارشینی رد قیلدی.
مجاهد ۹- جدی شنبه کونی طالبان باشقروده‌گی ملی تلویزیونیگه بېرگن صحبتده افغانستان خبرچیلر مرکزی نینگ ادعاسینی تصدیقلمه‌گن.
اونینگ سۉزلریگه کۉره، یېتکرمه‌لر هیچ قنده‌ی بیر باسیم آستیگه آلینمه‌گن و اولر اېرکین فعالیت قیله‌دیلر.
اونینگ تاکیدله‌شیگچه: «بو نهادنینگ ادعالرینی تصدیقلمه‌یمن؛ لېکن اۉتگن ییل بعضی موردلر یوزگه کېلدی، ایریم وقتلرده ساخته‌کارلیکلر عملگه آشیریلگن اېدی.»
باشقه بیر تاماندن مجاهد: «ایریم خبرچیلر، خبرنگارلیکدن علاوه حقوقی و یا حتی جنایی ایشلرگه قۉل اورگنلر و بعضن اوشلب آلینگنلر، لېکن دواملی قماققه تشلنمه‌گنلر» دېب ایتگن.
طالبان سۉزلاوچیسی خبرچیلر طالبلر تامانیدن زیان کۉرمه‌گنلر دېب علیحده تاکیدله‌گن.
عین حالده، افغانستان خبرچیلر مرکزی اۉتگن هفته جمعه کونی اۉزی نینگ ییللیک گزارشیده افغان خبرچیلری یېتکرمه‌لری۲۰۲۳- ییلده قتیق چېکلاولرگه روپه ره بۉلگنلر و حقوقلری کېنگ کۉلمده آیاغ آستی اېتیلگن دېگن اېدی.
اوشبو گزارشده فقط۲۰۲۳- ییلده خبرچیلرنینگ حقوقینی آیاغ آستی قیلگن۱۶۸ حادثه ثبت اېتیلگن بولردن بیر مورد اۉلدیریش، ۱۹ مورد یره له‌نیش، ۸۷مورد تهدید و ۶۱ مورد اوشلب آلیش دیر.
افغانستان خبرچیلر مرکزی نینگ ایتیشیچه، خبرچیلر همده یېتکرمه‌لرگه نسبتن آغیر باسیملر جمله‌دن۱۴ دستورالعمل، خبرچیلرنینگ آزادلیک و مستقللیگینینی کمه‌یتیرگن و خوسانسورلیکلر باعث یېتکرمه‌لر یالغوز انسان‌پرورلیک و تعلیم بۉییچه ترماقه‌لرگه ایله نیب قالگنلر.
