متقی تورکیه‌گه سفر قیلگن
۸صبح، کابل: طالبلر سۉزلاوچیسی ذبیح‌الله مجاهد بو گروه نینگ تشقی ایشلر وزیرلیگی سرپرستی امیرخان متقی تورکیه‌گه سفر قیلگنی حقیده خبر بېرگن.
مجاهد۶-عقرب شنبه کونی ایکس اجتماعی ترماققه بیر پیام نشر قیلیب ایتیشیچه، متقی اوشبو سفرده انقرده ده افغانستان اېلچیلیگی و شونینگدېک طالبلر مدیریتی آستیده‌گی استانبول‌ده افغانستان کنسلگرلیگینی کۉریشی ریجه‌لنتیریلگن.
طالبلر سۉزلاوچیسی، بو گروه نینگ تشقی ایشلر وزیرلیگی سرپرستی تورکیه دولت رسمیلری، او مملکتده‌گی افغان تاجرلری، دین عالملری، خیریه تشکیلاتلر و شرکتلر مسووللری بیلن اوچره‌شیشی مۉل‌جللنگن دېگن.
بو سفرنینگ انیق وقتی حلی معلوم اېمس.
بوندن آلدین هم متقی تورکیه‌گه سفر قیلگن اېدی.
تورکیه هنوزگچه طالبلرنی رسمیتگه تانیمه‌گن، لېکن بو گروه بیلن یخشی مناسبتی بار.
تورکیه نینگ کابل‌ده‌گی اېلچیلیگی آچیق دیر و بو مملکت اېلچیسی آنده – سنده طالبان رسمیلری بیلن اوچره‌شه‌دی.
