مجاهدنینگ حکمتیار اظهاراتلریگه عکس‌العملی: مملکت بویوکلری حجت‌سیز گپیرمه‌سینلر
۸صبح، کابل: طالبان افغانستان اسلام حزبی رهبری گلبدین حکمتیارنینگ مملکتده کېنگ قمراولی حکومت تشکیل اېتیشی اوچون بو گروه امریکا آرقلی باسیم آستیگه آلینگنی حقیده‌گی اظهاراتلریگه عکس‌العمل کۉرستدی.
طالبان سۉزلاوچیسی ذبیح الله مجاهد ۱۷- قوس جمعه کېچه‌سی ایکس‌ده نشر قیلگن پست‌ده حکمتیارنینگ اظهاراتلری تۉغری اېمس دېگن.
اونینگ سۉزلریگه کۉره: {طالبان} بونده‌ی حکومت ایجاد قیلیش اوچون هیچ کیمگه تعهد بېرمه‌گن دېگن. حکمتیارنینگ بو تۉغریده‌گی گپلری نا درست دیر مملکت بویوکلری حجت‌سیز سۉزلشمسلیگی کېره‌ک دیر.
افغانستان اسلام حزبی رهبری گلبدین حکمتیار اۉزی نینگ ینگی اظهاراتلریده امریکا طالبلرگه بیر رویخطگه بېرگنینی تیلگه آلدی. اونگه کۉره، بو رویخط همده دوحه کېلیشووی اساسیده افغانستان‌ده همه‌شمول حکومت ایجاد بۉلیشی سۉره‌لگن.
او، امریکا قۉشمه ایالتلری آرقلی بېریلگن رویخط باره‌سیده تفصیلات سۉره‌گن اېدی.
جهادنینگ اوشبو سابق رهبری نینگ قۉشیمچه قیلیشیچه، طالبان آرقلی کېنگ قمراولی حکومت ایجاد بۉلمه‌گن حالده، بو گروه مخالفلری حمایت قیلینه‌دی.
شونینگدېک حکمتیار سۉنگی کونلرده اۉتکزیلگن ییغینلرگه اشاره قیلیب، ایریم مملکتلر طالبان مخالفلریگه ییغین اۉتکزیش اوچون رخصت بېریشی عادی اېمس دېگن اېدی.
