اوچا: افغانستان‌نینگ انسانپرورلیک احتیاجلرینی قاندیریش اوچون ۱۸ میلیون دالر اجره‌تیلدی
۸صبح، کابل: بیرلشگن ملتلر تشکیلاتی‌نینگ انسانپرورلیک یاردملرنی موافقلشتیریش باشقرمه‌سی (اوچا) افغانستاندهگی انسانپرورلیک احتیاجلرنی قاندیریش اوچون ۱۸ میلیون دالر اجره‌تیلگنینی معلوم قیلدی.
اوچا سه‌شنبه، ۱۴-مېزان کونی، اوشبو مبلغ بیرلشگن ملتلر تشکیلاتی‌نینگ مرکزی فوق العاده وضعیتلرگه جواب بېریش جمغرمه‌سیدن (CERF) تأمینلنیشینی اَیتدی.
اوچا معلوماتلریگه کۉره، بو یاردم افغانستانده ۲۱،۹ میلیون کیشی انسانپرورلیک یاردمگه محتاج بۉلیب تورگن بیر پیتده کۉرسه‌تیلماقده.
اوشبو تشکیلات افغانستان‌نینگ ۲۰۲۶-ییلگی انسانپرورلیک رېجه‌سی حاضرگچه اتیگی قریب ۳۱ فایز مقداریده مالیه‌لشتیریلگنینی قۉشیمچه قیلدی.
عینی پیتده بیرلشگن ملتلر تشکیلاتی باش کاتبی‌نینگ انسانپرورلیک مسأله‌لر بۉییچه اۉرین‌باسری تام فلیچر، مرکزی فوق العاده وضعیتلرگه جواب بېریش جمغرمه‌سیدن مبلغ یېتیشماوچیلیگیگه دوچ کېله‌یاتگن ۱۲ ته انقراضگه یاردم بېریش اوچون ۱۶۰ میلیون دالر اجره‌تیلگنینی معلوم قیلدی.
اونینگ اَیتیشیچه، بو یاردم ۸۷ میلیون کیشیگه یېتیب باره‌دی.
او شونینگدېک، اوشبو مبلغ‌نینگ ۱۰ میلیون دالری معلوللیگی بۉلگن انسانلر یاردمدن محروم بۉلیب قالمسلیگینی تأمینلش اوچون اجره‌تیلگنینی قۉشیمچه قیلدی.
