دی‌کرو: خلق‌ارا همجمعیتی افغانستانگه یوز اۉگیرمسلیگی کېره‌ک
۸صبح، کابل: بیرلشگن ملتلر تشکیلاتی‌نینگ ترقیات دستوری رهبری الکساندر دی‌کرو، خلق‌ارا همجمعیتینینگ افغانستانگه یوز اۉگیریشی کېلگوسی بېش ییلدن ۱۰ ییلگچه آغیر عاقبتلرگه آلیب کېلیشی ممکنلیگیدن آگاهلنتیردی.
دی‌کرو «فارن پالیسی» نشریگه بېرگن صحبتیده طالبان بیلن کېلیشماوچیلیکلرگه قره‌مه‌ی، خلق‌ارا همجمعیتی افغانستان بیلن علاقه‌ده بۉلیشی کېره‌کلیگینی اَیتگن؛ چونکه بو مملکت اقتصادی، اقلیمی و انسانپرورلیک انقراضلر مجموعه‌سیگه دوچ کېلماقده.
او افغانستان قریب ۲۰ فایزلیک اقتصادی قیسقریش، اقلیم اۉزگریشلری‌نینگ عاقبتلری، طبیعی آفتلر، قۉشنی دولتلر بیلن ترنگلیک و سۉنگگی قریب بیر یریم ییل ایچیده ایران و پاکستاندن قریب بېش میلیون مهاجر‌نینگ قَیتیشی بیلن یوزمه-یوز کېلگنینی قۉشیمچه قیلگن.
اگر قیسقه وقت ایچیده مهاجرلر‌نینگ قَیتیشی سببلی بیر مملکت اهالیسی ۱۲ فایزدن ۱۵ فایزگچه کۉپه‌یسه، بونده‌ی اۉسیشنی باشقریش هېچ بیر دولت اوچون آسان اېمس.
شو سببلی، افغانستان بو باسیمگه قرشی توریش اوچون خلق‌ارا همجمعیتینینگ قۉللب-قوّتلشیگه محتاج.
او خلق‌ارا همجمعیتی افغانستاننی قۉللب-قوّتلشیدن عیاللر و قیزلر حقوقلرینی ایلگری سوریش همده فقرالیک میدانینی کېنگه‌یتیریش اوچون واسطه صفتیده فایده‌لنیشی کېره‌کلیگینی تأکیدله‌گن.
