دی‌کرو: قیزلرنی تعلیمدن محروم قیلیشنی قبول قیلیب بۉلمه‌یدی
۸صبح، کابل: بیرلشگن ملتلر تشکیلاتی‌نینگ ترقیات دستوری رهبری الکساندر دی‌کرو افغانستانده ۱۲ یاشدن کتّه قیزلرنی تعلیمدن محروم قیلیشنی «مطلقا قبول قیلیب بۉلمه‌یدیگن» حالت دېب اته‌دی.
دی‌کرو «فارن پالیسی» نشریگه بېرگن صحبتیده اهالی‌نینگ یریمینی تعلیمدن چېتلشتیریش ترقیات نقطه نظریدن هم ضعیف سیاست اېکنینی اَیتگن.
او افغانستانگه کېنگ کۉلملی معمالرینی حل قیلیش اوچون بوتون اهالی‌نینگ صلاحیتی کېره‌کلیگینی قۉشیمچه قیلگن.
دی‌کرو قیزلرنی تعلیمدن محروم قیلیش مملکت اهالیسی‌نینگ یریمی‌نینگ استعدادی و امکانیتلریدن فایده‌لنمسلیکنی انگله‌تیشینی تأکیدله‌گن.
او بیرلشگن ملتلر تشکیلاتی‌نینگ ترقیات دستوری عیاللر تدبیرکارلیگی ساحه‌سیده هم فعالیت یوریتیشینی و اۉن مینگلب عیاللرگه کیچیک بیزنس باشلشده یاردم بېرگنینی بیلدیرگن.
بیرلشگن ملتلر تشکیلاتی‌نینگ ترقیات دستوری رهبری اوشبو تشکیلات دېیرلی هر کونی طالبان بیلن عیاللر و قیزلر‌نینگ حقوقلری باره‌سیده مذاکره‌لر آلیب باریشینی اَیتگن.
