اوچا: کویت افغانستان انسانپرورلیک جمغرمه‌سیگه ۲،۵ میلیون دالر یاردم بېردی
۸صبح، کابل: بیرلشگن ملتلر تشکیلاتی‌نینگ انسانپرورلیک یاردملرنی موافقلشتیریش باشقرمه‌سی (اوچا) کویت‌نینگ افغانستانگه ۲،۵ میلیون دالر مقداریده یاردم اجره‌تگنی حقیده خبر بېردی.
اوچا سه‌شنبه کونی، ۵ عقرب، اعلان قیلگن خبریده کویت جمغرمه‌سی اوشبو مبلغنی افغانستان انسانپرورلیک جمغرمه‌سینی قۉللب-قوّتلش اوچون اجره‌تگنینی معلوم قیلدی.
اوچا کویت‌نینگ ۲۰۲۴-ییلدن بویان کۉرسه‌تیب کېله‌یاتگن یاردمی افغانستانده انسانپرورلیک فعالیتلر‌نینگ دوام اېتیشیده مهم رۉل اۉینه‌گنینی قۉشیمچه قیلدی.
افغانستان سۉنگگی ییللرده مهاجرلر‌نینگ کېنگ مقیاسده قَیتیشی، اقلیمی ضربه‌لر و طبیعی آفتلر سببلی انسانپرورلیک یاردمگه بۉلگن احتیاج‌نینگ آرتیشی بیلن یوزلشماقده.
بیرلشگن ملتلر تشکیلاتی حساباتیگه کۉره، ۲۰۲۳–۲۰۲۵-ییللر آره‌لیغیده تخمیناً ۴،۹ میلیون کیشی مملکتگه قَیتگن. بو جریان چېکلنگن منبعلر و اساسی خدمتلرگه توشه‌یاتگن باسیمنی آشیرگن.
