یونیسف: پولیو واکسینی افغانستان‌نینگ برچه باله‌لریگه یېتیب باریشی کېره‌ک
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) روتاری تشکیلاتی یاردمیده افغانستاندهگی برچه باله‌لرنی پولیوگه قرشی اېملشگه حرکت قیله‌یاتگنینی معلوم قیلدی.
یونیسف سه‌شنبه کونی، ۵ عقرب، ایکس صحیفه‌سیده یازیشیچه، هر بیر باله ساغلام و پولیوگه چه‌لینیش خوفیدن اوزاق حالده اولغه‌ییش حقوقیگه اېگه.
اوشبو تشکیلات روتاری تشکیلاتی بیلن همکارلیکده پولیوگه قرشی اېملش آرقه‌لی باله‌لرنی بو کسللیکدن حمایه قیلیشگه اینتیله‌یاتگنینی قۉشیمچه قیلدی.
افغانستان و پاکستان دنیاده پولیو ویروسی هلی تۉلیق یۉق قیلینمه‌گن سناقلی مملکتلر قطاریگه کیره‌دی.
جهان ساغلیقنی سقلش تشکیلاتی بیر نېچه کون آلدین اعلان قیلگن حساباتیده افغانستانده پولیو‌نینگ آلتی ته ینگی حالتی قید اېتیلگنینی معلوم قیلدی.
حساباتگه کۉره، ۲۰۲۶-ییل باشیدن بویان مملکتده اوشبو ویروسنی یوقتیریش‌نینگ ۴۲ ته حالتی قید اېتیلگن.
