جهان ساغلیقنی سقلش تشکیلاتی نیمروزده قَیتیب کېلگنلر اوچون دوالش مرکزی آچیلگنینی معلوم قیلدی
۸صبح، کابل: جهان ساغلیقنی سقلش تشکیلاتی ایراندن قَیتیب کېلگن مهاجرلرگه نیمروز ولایتیده‌گی ینگی شاشیلینچ ساغلیق یاردم مرکزیده ساغلیقنی سقلش و حیاتینی سقلب قالیشگه قره‌تیلگن خدمتلر کۉرسه‌تیلیشینی معلوم قیلدی.
اوشبو تشکیلات، سه‌شنبه کونی، ۵ عقرب، ایکس صحیفه‌سیده یازیشیچه، ینگی مرکز ۲۰۲۶-ییل ۲۶-اکتوبرده آچیلگن و اروپا اتفاقی‌نینگ انسانپرورلیک یاردم مبلغلری (ECHO) یاردمیده فعالیت یوریته‌دی.
جهان ساغلیقنی سقلش تشکیلاتی هر کونی یوزلب افغانستان وطنداشلری نیمروز ولایتیده‌گی میلک چېگره یۉلی آرقه‌لی ایراندن مملکتگه قَیتیشینی همده اولر‌نینگ شاشیلینچ ساغلیق خدمتلردن فایده‌لنیشی حیاتلرینی سقلب قالیشده مهم اهمیتگه اېگه اېکنینی قۉشیمچه قیلدی.
اوشبو مرکز افغانستانگه قَیتگن عیاللر و اېرککلرگه شاشیلینچ ساغلیق یاردم، حیاتنی سقلب قالیشگه قره‌تیلگن ساغلیق خدمتلر همده بېمارلرنی اختصاص‌لشتیریلگن دوالش مرکزلریگه یۉنه‌لتیریش امکانیتینی تقدیم اېته‌دی.
بو خدمتلر افغانستان وطنداشلری‌نینگ ایران و پاکستاندن قَیتیشی همده مجبوری دېپورت قیلینیشی اقتصادی و اجتماعی معمالرگه قره‌مه‌ی دوام اېته‌یاتگن بیر پیتده کۉرسه‌تیلماقده.
